Tanymal aktrisa Dariǵa Badyqova ótkenin qaita qozǵaýdan góri, búgingi baqytyna kóńil bólip, bolashaǵyna úmitpen qaraýdy tańdaǵanyn aitty, dep habarlaidy ult.kz.
Óner iesi áleýmettik jelidegi jazbasynda ár adamnyń kópshilik bile bermeitin óz tarihy bar ekenin jetkizdi. Alaida ol basynan ótkenin jurtqa jariialap, sol esteliktermen ómir súrgisi kelmeitinin atap ótti.
"Men ótken ómirimdi jariia etpesem de, ótkenim týraly án aitpasam da, basymnan ótken taǵdyrymdy kinoǵa ainaldyrmasam da, óz tarihym bar! Men ótkenimmen ómir súrgim kelmeidi. Men tek alǵa jyljýdy tańdadym. Jaqsy kúnderdiń keletinine sendim. Baqyttyń da, mahabbattyń da, ǵajaiyp sátterdiń de maǵan buiyratynyna sendim", - dep jazdy aktrisa.
Badyqovanyń aitýynsha, ómirindegi qýanyshty kúnniń qurmetine ózine án arnalǵan. Ol bul týyndyny ótkenniń muńyn jetkizetin shyǵarma emes, qaita baqytqa sengen kóńiliniń qýanyshy dep qabyldaǵan.
"Bul án – búginimniń baqyty. Bul án – jaralanǵan júrektiń zary emes, qaita baqytqa sengen júrektiń jeńisi. Meniń ótken ómirim joq. Meniń tek búginim men keleshegim bar! Óitkeni men ótkenimdi áńgime etýdi emes, bolashaǵymdy ádemi etýdi tańdaǵan áielmin. Osyndai ánge raqmet, Shampon!", – dedi ol.
Aita keteiik, Dariǵa Badyqovanyń burynǵy kúieýi jazba jariialady.
Dariǵa Badyqova kim?
Dariǵa Badyqova – qazaqstandyq aktrisa ári prodiýser. Ol 1985 jylǵy 1 jeltoqsanda Jambyl oblysynyń Moiynqum aýylynda dúniege kelgen. Temirbek Júrgenov atyndaǵy Qazaq ulttyq óner akademiiasynda «Mýzykalyq drama jáne rejissýra» mamandyǵy boiynsha bilim alǵan.
Kópshilik ony «Kelinjan» telehikaiasyndaǵy Aisara róli arqyly tanidy. Aýyldaǵy otbasynyń tirshiligin, kelinder arasyndaǵy qarym-qatynasty ázilmen jetkizetin bul jobada aktrisa basty keiipkerlerdiń birin somdady. Keiin telehikaia negizinde túsirilgen «Kelinjan» tolyqmetrajdy filmderine de qatysty.
Badyqova akterlikpen qatar kino óndirisinde de eńbek etip júr. «Taptym-aý seni» filminde prodiýser bolyp, basty rólderdiń birin ózi oinady. Týyndydaǵy ekrandyq seriktesi – akter Oljas Abai. Aktrisa bul joba arqyly kórermenge Aisaradan ózge beinede kórinýge umtylǵanyn aitqan.
