الماتىنىڭ يندۋسترييالىق ايماعىنداعى جىلىجاي كەشەنٸ جىل سايىن 5–6 مىڭ تونناداي قىزاناق پەن قييار ٶسٸرەدٸ. مۇندا ٶندٸرٸلگەن جاڭا پٸسكەن كٶكٶنٸس دٷكەن سٶرەسٸنە تٷسٸپ, اشىق توپىراقتا ٶسٸرٸلگەن ٶنٸمدەر ازاياتىن قىس مەزگٸلٸندە دە جەتكٸزٸپ بەرٸپ وتىرادى. جىلىجاي شارۋاشىلىعى قازٸر وسى اۋماقتا جٷزەگە اسىپ جاتقان تاماق ٶنەركەسٸبٸ سالاسىنداعى 17 جوبانىڭ قاتارىنا كٸرەدٸ. ٶڭٸرلٸك كوممۋنيكاتسييالار قىزمەتٸندە ٶتكەن باسپاسٶز كونفەرەنتسيياسىندا الماتى جىلىجاي كەشەنٸنٸڭ ديرەكتورى اقمارال مۇحاتوۆا ٶندٸرٸستٸ كەڭەيتۋدٸ كٶزدەيتٸن وسى جوسپارى تۋرالى بايانداپ بەردٸ.
2016 جىلى ٸسكە قوسىلعان قالانىڭ يندۋسترييالىق ايماعىندا جۇمىس ٸستەي باستاعان العاشقى ٶندٸرٸس ورنىنىڭ بٸرٸ — وسى جىلىجاي كەشەنٸ.
قازٸر مۇندا ٶسٸرٸلگەن كٶكٶنٸستٸ قالانىڭ ساۋدا جەلٸسٸ مەن باسقا ٶڭٸرگە دە جەتكٸزەدٸ.
الماتى جىلىجاي ٶندٸرٸسٸنٸڭ ديرەكتورى اقمارال مۇحاماتوۆانىڭ ايتۋىنشا, كٶكٶنٸستٸ نەگٸزٸنەن قازاننان شٸلدەگە دەيٸن ٶسٸرەدٸ ەكەن. ەگٸس القابىنىڭ جالپى كٶلەمٸ 10,5 گەكتار: ونىڭ 5,5 گەكتارىنا قىزاناق, قالعان 5 گەكتارىنا قييار ەككەن.
كەسٸپورىندا قازٸر 170-تەن استام ادام جۇمىس ٸستەيدٸ.
«كەشەننٸڭ ٶندٸرٸستٸك قۋاتىن كەڭەيتۋ مەسەلەسٸ كومپانييانىڭ دامۋ ستراتەگيياسى اياسىندا پىسىقتالىپ جاتىر. قازٸر بٸز جىلىنا شامامەن 5–6 مىڭ توننا كٶكٶنٸس ٶندٸرەمٸز. بۇل قالانىڭ قىزاناق پەن قييارعا دەگەن جىلدىق جالپى قاجەتتٸلٸگٸنٸڭ شامامەن 11–14 پايىزىنا تەڭ», – دەيدٸ سپيكەر.
جىلىجاي ٸشٸن ٷنەمٸ باقىلاپ وتىراتىندىقتان كٷن سۋىق كەزدە دە ٶنٸم الۋعا بولادى. ٶسٸمدٸكتٸ مۇندا توپىراقسىز ٶسٸرٸپ, قورەكتٸك ەرٸتٸندٸنٸ تٸكەلەي تامىرىنا جٸبەرەدٸ.
اۆتوماتتى سۋارۋ جٷيەسٸ سۋ مەن تىڭايتقىشتىڭ مٶلشەرٸن رەتتەيدٸ, جاساندى جارىقتاندىرۋ كٷندٸزگٸ جارىق ۋاقىتىن ۇزارتىپ, قىزاناقتى تٷكتٸ ارالار توزاڭداندىرىپ وتىرادى. قالاداعى ساۋدا جەلٸسٸنە تٸكەلەي جەتكٸزۋ جىلىجايدان دٷكەن سٶرەسٸنە دەيٸنگٸ جولدى دا ەدەۋٸر قىسقارتىپ, كٶكٶنٸستٸڭ بالعىندىعىن ساقتاۋعا سەپ بولىپ جاتىر.
«قازٸر ٶنٸمدەرٸمٸز الماتىداعى ٷلكەن ساۋدا جەلٸلەرٸنە تٸكەلەي جەتكٸزٸلەدٸ. يمپورتتىق ٶنٸمدەرمەن سالىستىرعاندا, بٸزدٸڭ بٸرنەشە ارتىقشىلىعىمىز بار. مەسەلەن, ٶسٸمدٸكتەردٸ بيولوگييالىق قورعاۋ ەدٸسٸن قولدانامىز, حيمييالىق پەستيتسيدتٸ پايدالانۋدى بارىنشا ازايتىپ, كٶكٶنٸستٸ قالاي ٶسٸرەتٸنٸمٸزدٸ تۇتىنۋشىعا اشىق كٶرسەتەمٸز.
جىلىجايدان ساۋدا سٶرەسٸنە دەيٸنگٸ قىسقا جول ٶنٸمنٸڭ بالعىندىعىن ساقتاۋعا مٷمكٸندٸك بەرەدٸ. سونىمەن قاتار, قازاننان شٸلدەگە دەيٸنگٸ ٶندٸرٸس كەزەڭٸ ماۋسىمارالىق ۋاقىت پەن قىستا جەرگٸلٸكتٸ كٶكٶنٸستٸ جەتكٸزۋگە جاعداي جاسايدى. دەل وسى كەزەڭدە يمپورتقا تەۋەلدٸلٸك جاعى ەرەكشە جوعارى بولادى», – دەپ تٷسٸندٸرٸپ ٶتتٸ سپيكەر.
سونىمەن قاتار قىستا ٶندٸرٸس ەنەرگييا رەسۋرسىنىڭ قۇنىنا تٸكەلەي تەۋەلدٸ.
اقمارال مۇحاماتوۆانىڭ ايتۋىنشا, كەشەن ەلەكتر ەنەرگيياسىنىڭ كٶتەرمە نارىعىنا كٶشكەننەن كەيٸن كەسٸپورىن ٷشٸن ونىڭ قۇنى ەكٸ ەسەدەي ٶسكەن.
شىعىندى ازايتۋ ماقساتىندا مۇندا جارىقديودتى جارىقتاندىرۋ جٷيەسٸنە كٶشۋدٸ قاراستىرىپ, قۋات ٷنەمدەۋدٸڭ باسقا دا شەشٸمدەرٸ زەرتتەلٸپ جاتىر.
قازٸرگٸ ۋاقىتتا قازاقستاننىڭ جىلىجايلار وداعىمەن بٸرلەسٸپ, جاساندى جارىقتاندىرۋدى پايدالاناتىن جىلىجاي كەشەندەرٸ ٷشٸن تاريفتٸك تەسٸلدٸ قايتا قاراۋ مەسەلەسٸ بەيٸندٸ مينيسترلٸكتەردٸڭ الدىندا كٶتەرٸلدٸ.
الماتىنىڭ تاماق ٶنەركەسٸبٸ يندۋسترييالىق ايماقتاعى باسقا دا ٶندٸرٸسپەن قاتار دامىپ كەلەدٸ. بۇل اۋماقتا قازٸر 163 كومپانييا جۇمىس ٸستەيدٸ. ولاردىڭ جوباسىنا سالىنعان ينۆەستيتسييانىڭ جالپى كٶلەمٸ 1 ترلن 53 ملرد تەڭگەدەن اسقان. مۇندا كٶلٸك جاساۋ, قۇرىلىس ماتەريالىن ٶندٸرۋ, ەت پەن بالىق ٶڭدەۋ, كونديتەرلٸك جەنە نان-توقاش ٶنٸمٸن شىعاراتىن كەسٸپورىندار ورنالاسقان.
2016 جىلدان بيىلعا دەيٸن يندۋسترييالىق ايماقتا جالپى قۇنى 366 ملرد تەڭگە بولاتىن 62 جوبا جٷزەگە اسىپ, 10 439 جۇمىس ورنى اشىلدى. 2026 جىلدىڭ باسىنان بەرٸ عانا كەسٸپورىندار 712 ملرد تەڭگەنٸڭ ٶنٸمٸن ٶندٸرٸپ, قالا بيۋدجەتٸنە 33 ملرد تەڭگە سالىق تٷسكەن.
بيىلدىڭ ٶزٸندە بەس جوبا ٸسكە قوسىلىپ, 345 جۇمىس ورنى قۇرىلىپتى. جىل سوڭىنا دەيٸن ينۆەستيتسييا كٶلەمٸ 6,7 ملرد تەڭگەنٸ قۇرايتىن تاعى التى جوبانى ٸسكە قوسۋ جوسپارلانىپ وتىر. ولاردىڭ جٷزەگە اسىرعاننىڭ ارقاسىندا تاعى قوسىمشا 346 جۇمىس ورنى اشىلادى.
يندۋسترييالىق ايماقتىڭ ٷشٸنشٸ كەزەڭٸن دامىتۋ بارىسىندا تاماق ٶندٸرٸسٸ مەن اگروٶنەركەسٸپتٸك سەكتور باسىم باعىتتىڭ قاتارىندا تۇر. ەسٸرەسە ٶنٸمدٸ ٶسٸرۋ, ٶڭدەۋ مەن ساقتاۋدى بٸر جٷيەگە بٸرٸكتٸرەتٸن جوباعا نازار اۋدارماق.
فوتو: الماتى قالاسى ەكٸمدٸگٸ
فوتو: الماتى قالاسى ەكٸمدٸگٸ
