Túrkistan oblysy Qazyǵurt aýdanynda asarlatyp úi jóndep jatqan eriktiler úidiń shatyrynan qap-qap aqsha tapqan. Aldyn ala málimet boiynsha, tabylǵan qarajattyń kólemi shamamen 30 mln teńge. Bul týraly jake_tau esimdi jeli qoldanýshysy Instagram paraqshasynda jariialady, dep habarlaidy ult.kz.
Áleýmettik jelide taraǵan aqparatqa sáikes, ájeniń úiine jóndeý jumystaryn júrgizip jatqan asarshylar shatyrdan aqshany taýyp alǵan. Ájeniń aitýynsha, ol qarajatty 2018 jyldan beri jinaǵan, alaida keiin aqshanyń qaida saqtalǵanyn umytyp ketken.
Aqshany tapqan eriktiler mán-jaidy anyqtaý úshin quzyrly organdardy shaqyrýdy uiǵarǵan. Olar qarajattyń shyǵý tegin tekserip, jaǵdaidy zań aiasynda sheshýdi kózdep otyr.
Bul jaǵdaidan habardar bolǵan aýyl ákimi asarshylardy alǵys hatpen marapattaǵan.
