Jambyldyq politseiler esirtki zattarynyń taralýyna tosqaýyl qoidy, dep habarlaidy "Ult aqparat".
«Doping» respýblikalyq jedel-izdestirý sharalary aiasynda Jambyl oblysy Politsiia departamenti Esirtki qylmysyna qarsy is-qimyl basqarmasynyń qyzmetkerleri Shý aýdanynyń turǵyny - 38 jastaǵy áieldi ustady.
Tekserý barysynda «Boni» atty qyzmettik it onyń turǵyn úiiniń aýmaǵynda ornalasqan saraidan jalpy salmaǵy 2 keliden asatyn ósimdik tektes zatty tapty. Tárkilengen zattyń esirtki ekeni anyqtalyp, saraptamaǵa jiberildi.
«Ustalǵan azamatsha kinásin moiyndady. Atalǵan derekke qatysty Qazaqstan Respýblikasy Qylmystyq kodeksiniń 296-baby 4-bóligi (asa iri mólsherde esirtki zattaryn zańsyz saqtaý) boiynsha sotqa deiingi tergeý amaldary bastaldy. Mundai qylmys jasaǵany úshin 3 jyldan 7 jylǵa deiingi merzimge bas bostandyǵynan aiyrý jazasy qarastyrylady», - delingen oblystyq Politsiia departamenti baspasóz qyzetiniń habarlamasynda.
