جامبىلدىق پوليتسەيلەر ەسٸرتكٸ زاتتارىنىڭ تارالۋىنا توسقاۋىل قويدى, دەپ حابارلايدى "ۇلت اقپارات".
«دوپينگ» رەسپۋبليكالىق جەدەل-ٸزدەستٸرۋ شارالارى اياسىندا جامبىل وبلىسى پوليتسييا دەپارتامەنتٸ ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ شۋ اۋدانىنىڭ تۇرعىنى - 38 جاستاعى ەيەلدٸ ۇستادى.
تەكسەرۋ بارىسىندا «بوني» اتتى قىزمەتتٸك يت ونىڭ تۇرعىن ٷيٸنٸڭ اۋماعىندا ورنالاسقان سارايدان جالپى سالماعى 2 كەلٸدەن اساتىن ٶسٸمدٸك تەكتەس زاتتى تاپتى. تەركٸلەنگەن زاتتىڭ ەسٸرتكٸ ەكەنٸ انىقتالىپ, ساراپتاماعا جٸبەرٸلدٸ.
«ۇستالعان ازاماتشا كٸنەسٸن مويىندادى. اتالعان دەرەككە قاتىستى قازاقستان رەسپۋبليكاسى قىلمىستىق كودەكسٸنٸڭ 296-بابى 4-بٶلٸگٸ (اسا ٸرٸ مٶلشەردە ەسٸرتكٸ زاتتارىن زاڭسىز ساقتاۋ) بويىنشا سوتقا دەيٸنگٸ تەرگەۋ امالدارى باستالدى. مۇنداي قىلمىس جاساعانى ٷشٸن 3 جىلدان 7 جىلعا دەيٸنگٸ مەرزٸمگە باس بوستاندىعىنان ايىرۋ جازاسى قاراستىرىلادى», - دەلٸنگەن وبلىستىق پوليتسييا دەپارتامەنتٸ باسپاسٶز قىزەتٸنٸڭ حابارلاماسىندا.
