استانادا ۆلاديسلاۆ اندريۋشكين ەسٸمدٸ جٸگٸت سٷيٸكتٸسٸ الينانى ٶلتٸرٸپ, ونىڭ جيناعان اقشاسىن دوسىنىڭ ەسەپشوتىنا اۋدارعان. قىلمىستان كەيٸن ەشتەڭە بولماعانداي ەرەكەت ەتكەن ەر ادام 10 جىلعا باس بوستاندىعىنان ايىرىلدى, دەپ حابارلايدى ult.kz.
Kozachkov offside Telegram ارناسىنىڭ مەلٸمەتٸنشە, الينا مەن ۆلاديسلاۆ بيىل قاڭتاردا ينتەرنەت ارقىلى تانىسقان. الايدا كٶپ ۇزاماي قىز قارىم-قاتىناستى توقتاتۋعا شەشٸم قابىلداعان. ول تايلاندقا ساپارعا دايىندالىپ, جولعا اقشا جيناعان.
4 اقپاندا ەكەۋٸ قايتا كەزدەسٸپ, بٸرگە ۋاقىت ٶتكٸزگەن. كەيٸن قىز تۇرىپ جاتقان پەتەرگە بارعان. سول جەردە ۆلاديسلاۆ ونى ٶلتٸرگەن. ارتىنشا مارقۇمنىڭ بانك شوتىنداعى اقشانى دوسىنىڭ ەسەپشوتىنا اۋدارىپ, تاكسيمەن كەتٸپ قالعان.
كەلەسٸ كٷنٸ كٷدٸكتٸ دوسىنان اقشانى قولما-قول شەشٸپ بەرۋدٸ سۇراعان. تارازعا كەتپەك بولعان ول جولدا ۇستالدى. ال الينانىڭ دەنەسٸن جاقىندارى پەتەرٸنەن تاپقان.
سوتتا ۆلاديسلاۆ كٸسٸ ٶلتٸرۋ ايىبىن ابايسىزدا ادام ٶلٸمٸنە ەكەپ سوعۋ بابىنا اۋىستىرۋدى سۇراعان. الايدا سوت قىلمىستىڭ قاساقانا جاسالعانىن انىقتاپ, ونى 10 جىلعا سوتتادى. ٷكٸم زاڭدى كٷشٸنە ەنگەن.
مارقۇمنىڭ ەپكەسٸ الەكساندرا جازانىڭ تىم جەڭٸل ەكەنٸن ايتىپ, سوت شەشٸمٸمەن كەلٸسپەيتٸنٸن جەتكٸزدٸ. ونىڭ سٶزٸنشە, سوتتالعان ادام بٸر كٷنٸ بوستاندىققا شىعادى, ال ونىڭ سٸڭلٸسٸ ەندٸ ەشقاشان ورالمايدى.
