Foto: Midjourney
Jambyl oblysynda aýyldaǵy aýrýhanada alty jastaǵy bala qaitys boldy. Týystary onyń ólimine dárigerlerdi kinálap otyr, - dep habarlaidy Ult.kz Tengrinews.kz -ke silteme jasap.
Ne bolǵan?
Qaitys bolǵan balanyń jaqyndary áleýmettik jelilerde onyń 29 qyrkúiekten bastap aýyrǵanyn aitty. Olar ýchaskelik dárigerge júgingen, biraq olardyń aitýynsha, eshqandai kómek kórsetilmei, úiine qaitaryp jiberilgen.
"Balanyń apasy dárigerge tizerlep jalynyp, áreń 7 qazanda ǵana aýrýhanaǵa jatqyzdy. Bala aýrýhanaǵa jatqanmen diagnoz qoiylmaǵan, bala aýyrǵanda tek "Kreon" dárisin bere bergen. Búgin 10 qazanda baladan aiyrylyp qaldyq deidi", - dedi balanyń týystary.
Densaýlyq saqtaý basqarmasy ne deidi?
Jambyl oblysy Densaýlyq saqtaý basqarmasy balanyń týystarynyń shaǵymyna qatysty pikir bildir.
"Bala aýrýhanaǵa josparly túrde ájesimen birge jatqyzylǵan. 2025 jylǵy 7 qazannan bastap klinikalyq hattamaǵa sáikes tiisti tekserýler men em júrgizildi. Balanyń jaǵdaiy ortasha deńgeide bolǵan. 2025 jylǵy 10 qazanda saǵat 06:55-te bala kenetten qaitys boldy", – dedi basqarmada.
Vedomstvo ókilderi ólimniń sebebin anyqtaý boiynsha sharalar júrgizilip jatqanyn qosty.
"Qyzmettik tekserý júrgizilip jatyr. Ishki ister bólimine habarlama joldanyp, sot-meditsinalyq saraptama taǵaiyndaldy. Tolyq málimetter saraptama qorytyndysyn alǵan soń beriledi", - dedi departamenttiń baspasóz qyzmeti.
