فوتو: Midjourney
جامبىل وبلىسىندا اۋىلداعى اۋرۋحانادا التى جاستاعى بالا قايتىس بولدى. تۋىستارى ونىڭ ٶلٸمٸنە دەرٸگەرلەردٸ كٸنەلاپ وتىر, - دەپ حابارلايدى Ult.kz Tengrinews.kz -كە سٸلتەمە جاساپ.
نە بولعان?
قايتىس بولعان بالانىڭ جاقىندارى ەلەۋمەتتٸك جەلٸلەردە ونىڭ 29 قىركٷيەكتەن باستاپ اۋىرعانىن ايتتى. ولار ۋچاسكەلٸك دەرٸگەرگە جٷگٸنگەن, بٸراق ولاردىڭ ايتۋىنشا, ەشقانداي كٶمەك كٶرسەتٸلمەي, ٷيٸنە قايتارىپ جٸبەرٸلگەن.
"بالانىڭ اپاسى دەرٸگەرگە تٸزەرلەپ جالىنىپ, ەرەڭ 7 قازاندا عانا اۋرۋحاناعا جاتقىزدى. بالا اۋرۋحاناعا جاتقانمەن دياگنوز قويىلماعان, بالا اۋىرعاندا تەك "كرەون" دەرٸسٸن بەرە بەرگەن. بٷگٸن 10 قازاندا بالادان ايىرىلىپ قالدىق دەيدٸ", - دەدٸ بالانىڭ تۋىستارى.
دەنساۋلىق ساقتاۋ باسقارماسى نە دەيدٸ?
جامبىل وبلىسى دەنساۋلىق ساقتاۋ باسقارماسى بالانىڭ تۋىستارىنىڭ شاعىمىنا قاتىستى پٸكٸر بٸلدٸر.
"بالا اۋرۋحاناعا جوسپارلى تٷردە ەجەسٸمەن بٸرگە جاتقىزىلعان. 2025 جىلعى 7 قازاننان باستاپ كلينيكالىق حاتتاماعا سەيكەس تيٸستٸ تەكسەرۋلەر مەن ەم جٷرگٸزٸلدٸ. بالانىڭ جاعدايى ورتاشا دەڭگەيدە بولعان. 2025 جىلعى 10 قازاندا ساعات 06:55-تە بالا كەنەتتەن قايتىس بولدى", – دەدٸ باسقارمادا.
ۆەدومستۆو ٶكٸلدەرٸ ٶلٸمنٸڭ سەبەبٸن انىقتاۋ بويىنشا شارالار جٷرگٸزٸلٸپ جاتقانىن قوستى.
"قىزمەتتٸك تەكسەرۋ جٷرگٸزٸلٸپ جاتىر. ٸشكٸ ٸستەر بٶلٸمٸنە حابارلاما جولدانىپ, سوت-مەديتسينالىق ساراپتاما تاعايىندالدى. تولىق مەلٸمەتتەر ساراپتاما قورىتىندىسىن العان سوڭ بەرٸلەدٸ", - دەدٸ دەپارتامەنتتٸڭ باسپاسٶز قىزمەتٸ.
