Foto: TJD Qazaqstan
Soltústik Qazaqstan oblysynda jeke turǵyn úide bolǵan órt saldarynan qaza tapqandar sany 5 adamǵa jetti, dep málimdedi oblystyq tótenshe jaǵdailar departamenti. Bul týraly Ult.kz habarlaidy.
Qaiǵyly oqiǵada qaitys bolǵandardyń barlyǵy – bir otbasynyń músheleri: ákesi men tórt balasy.
Órt túnde bolǵan. Órt sóndirýshiler kelgende úi tolyqtai otqa oranyp, shatyry men tóbesi qulap ketken edi.
"Oqiǵa ornynda eki eresek pen úsh balanyń denesi tabyldy, olardyń jeke tulǵalary anyqtalýda. Órt 104 sharshy metr aýmaqty sharpydy, órt oqshaýlandy", – dep habarlady departament ókilderi.
Tótenshe jaǵdailar departamentiniń psihologiialyq kómek kórsetý toby qaitys bolǵandardyń týystary men jaqyndaryna shuǵyl kómek kórsetýde.
Órttiń shyǵý sebebi anyqtalyp jatyr. Belgili bolǵandai, otbasynda balalardyń anasy buǵan deiin qaitys bolǵan, al ákesi tórt balany ózi baǵyp kelgen. Buǵan deiin oqiǵa ornynda eki adamnyń máiiti tabylǵany habarlanǵan edi.
