فوتو: تجد قازاقستان
سولتٷستٸك قازاقستان وبلىسىندا جەكە تۇرعىن ٷيدە بولعان ٶرت سالدارىنان قازا تاپقاندار سانى 5 ادامعا جەتتٸ, دەپ مەلٸمدەدٸ وبلىستىق تٶتەنشە جاعدايلار دەپارتامەنتٸ. بۇل تۋرالى Ult.kz حابارلايدى.
قايعىلى وقيعادا قايتىس بولعانداردىڭ بارلىعى – بٸر وتباسىنىڭ مٷشەلەرٸ: ەكەسٸ مەن تٶرت بالاسى.
ٶرت تٷندە بولعان. ٶرت سٶندٸرۋشٸلەر كەلگەندە ٷي تولىقتاي وتقا ورانىپ, شاتىرى مەن تٶبەسٸ قۇلاپ كەتكەن ەدٸ.
"وقيعا ورنىندا ەكٸ ەرەسەك پەن ٷش بالانىڭ دەنەسٸ تابىلدى, ولاردىڭ جەكە تۇلعالارى انىقتالۋدا. ٶرت 104 شارشى مەتر اۋماقتى شارپىدى, ٶرت وقشاۋلاندى", – دەپ حابارلادى دەپارتامەنت ٶكٸلدەرٸ.
تٶتەنشە جاعدايلار دەپارتامەنتٸنٸڭ پسيحولوگييالىق كٶمەك كٶرسەتۋ توبى قايتىس بولعانداردىڭ تۋىستارى مەن جاقىندارىنا شۇعىل كٶمەك كٶرسەتۋدە.
ٶرتتٸڭ شىعۋ سەبەبٸ انىقتالىپ جاتىر. بەلگٸلٸ بولعانداي, وتباسىندا بالالاردىڭ اناسى بۇعان دەيٸن قايتىس بولعان, ال ەكەسٸ تٶرت بالانى ٶزٸ باعىپ كەلگەن. بۇعان دەيٸن وقيعا ورنىندا ەكٸ ادامنىڭ مەيٸتٸ تابىلعانى حابارلانعان ەدٸ.
