Almatyda jalǵan vaktsina pasportyn jasaý isine qatysy bar eki emhana basshysy jumystan qýyldy. Bul týraly qalalyq qoǵamdyq densaýlyq saqtaý basqarmasynyń basshysy Nariman Tabynbaev aitty, dep habarlaidy QazAqparat.
«Qujatty qoldan jasaýǵa qatysy bar eki emhana basshysy, alty dáriger men medbikelerdi jumystan shyǵarýǵa týra keldi. Osyndai jaǵdai bolmaýy úshin túsindirý jumystaryn júrgizip jatyrmyz, beinekamera sany kóbeitildi, baqylaýshylar jumysy kúsheitildi», - dedi basqarma Nariman Tabynbaev.
Onyń aitýynsha, jappai vaktsinalaý bastalǵaly beri qalada jalǵan qujat jasaý boiynsha 16 jaǵdai anyqtaldy.
«Bul jappai vaktsinalaý bastalǵan kezede oryn aldy. Úsh emhanada fakti anyqtaldy. Shamamen 16-ǵa jýyq jaǵdai tirkeldi. Qazir ispen tergeý organdary ainalysyp jatyr», - dedi Almatynyń bas dárigeri.
Basqarma basshysy barlyq derek tergeý júrgizý úshin politsiiaǵa joldanǵanyn jetkizdi.
