الماتىدا جالعان ۆاكتسينا پاسپورتىن جاساۋ ٸسٸنە قاتىسى بار ەكٸ ەمحانا باسشىسى جۇمىستان قۋىلدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ ايتتى, دەپ حابارلايدى قازاقپارات.
«قۇجاتتى قولدان جاساۋعا قاتىسى بار ەكٸ ەمحانا باسشىسى, التى دەرٸگەر مەن مەدبيكەلەردٸ جۇمىستان شىعارۋعا تۋرا كەلدٸ. وسىنداي جاعداي بولماۋى ٷشٸن تٷسٸندٸرۋ جۇمىستارىن جٷرگٸزٸپ جاتىرمىز, بەينەكامەرا سانى كٶبەيتٸلدٸ, باقىلاۋشىلار جۇمىسى كٷشەيتٸلدٸ», - دەدٸ باسقارما ناريمان تابىنباەۆ.
ونىڭ ايتۋىنشا, جاپپاي ۆاكتسينالاۋ باستالعالى بەرٸ قالادا جالعان قۇجات جاساۋ بويىنشا 16 جاعداي انىقتالدى.
«بۇل جاپپاي ۆاكتسينالاۋ باستالعان كەزەدە ورىن الدى. ٷش ەمحانادا فاكتٸ انىقتالدى. شامامەن 16-عا جۋىق جاعداي تٸركەلدٸ. قازٸر ٸسپەن تەرگەۋ ورگاندارى اينالىسىپ جاتىر», - دەدٸ الماتىنىڭ باس دەرٸگەرٸ.
باسقارما باسشىسى بارلىق دەرەك تەرگەۋ جٷرگٸزۋ ٷشٸن پوليتسيياعا جولدانعانىن جەتكٸزدٸ.
