2021 jyly Qazaqstan Ulttyq banki men ekinshi deńgeili bankter quny 1 577 400 teńge bolatyn 519 jalǵan aqsha belgisin (513 banknot jáne 6 moneta) anyqtady. Bul 2020 jylǵa qaraǵanda 37% az (823 jalǵan aqsha belgisi), dep habarlaidy QazAqparat.
Qarjy uiymynyń banknottar men monetalardy saraptaý basqarmasynyń bastyǵy Asqat Muqamadievtiń aitýynsha, ó tken jyly nominaly 2 000 teńgelik banknottar qoldan kóp jasalǵan – 340 dana, bul – anyqtalǵan jalǵan aqshalardyń jalpy sanynyń 65%-y.
Odan keiin kóp jasalǵan nominal – 5 000 teńgelik banknottar – 94 dana (15%), 10 000 teńgelik banknot – 36 dana (7%). Qalǵan 13% banknot basqa nominaldaryna tiesili.
Jalǵan banknottardyń kóp bóligi Almatyda anyqtaldy – 355 dana (jalpy sannyń 68%), odan keiingi oryndarda Nur-Sultan qalasy – 54 dana jáne Shyǵys Qazaqstan oblysy – 26 dana.
Shynaiy banknotty jalǵan aqshadan ajyratý úshin túpnusqadaǵy birneshe belgini bilý mańyzdy.
Qoldan jasalǵan banknottardyń negizgi bóligi túpnusqadaǵy qandai da bir belgilerdi imitatsiialaityn jeńildetilgen tehnologiiamen daiyndalady. «Sezin-qara-aýdaryp kór» ádisin qoldana otyryp, arnaiy jabdyqsyz-aq jalǵan banknotty anyqtaýǵa bolady.
Túpnusqa banknottyń birneshe airyqsha belgisi bar.
Birinshiden, ol ózine tán dybyspen erekshe shytyrlaidy, ekinshiden – arnaiy relefi bar.
Sonymen qatar barlyq banknotta kórý qabileti nashar adamdar úshin saýsaqtyń ushymen jaqsy ajyratýǵa bolatyn belgiler bar. 1000, 2000, 5000, 10000 jáne 20000 teńgelik kýpiýralarda banknottyń kólbeý buryshyn ózgertken kezde beinelerdiń túsi jasyldan altyn tústes óńge ózgeretin qasieti bar.
Sonymen birge jaryqqa tosyp qaraǵan kezde bir tutas jip retinde anyq kórinetin, jazýy bar pýnktir túrindegi tutas magnitti jáne úzik-úzik jipke nazar aýdarǵan jón.
Osy erekshelikterdiń ózi arnaiy jabdyqty paidalanbai-aq banknottyń túpnusqalylyǵyn tez arada tekserip alýǵa múmkindik beredi.
