2021 جىلى قازاقستان ۇلتتىق بانكٸ مەن ەكٸنشٸ دەڭگەيلٸ بانكتەر قۇنى 1 577 400 تەڭگە بولاتىن 519 جالعان اقشا بەلگٸسٸن (513 بانكنوت جەنە 6 مونەتا) انىقتادى. بۇل 2020 جىلعا قاراعاندا 37% از (823 جالعان اقشا بەلگٸسٸ), دەپ حابارلايدى قازاقپارات.
قارجى ۇيىمىنىڭ بانكنوتتار مەن مونەتالاردى ساراپتاۋ باسقارماسىنىڭ باستىعى اسقات مۇقاماديەۆتٸڭ ايتۋىنشا, ٶ تكەن جىلى نومينالى 2 000 تەڭگەلٸك بانكنوتتار قولدان كٶپ جاسالعان – 340 دانا, بۇل – انىقتالعان جالعان اقشالاردىڭ جالپى سانىنىڭ 65%-ى.
ودان كەيٸن كٶپ جاسالعان نومينال – 5 000 تەڭگەلٸك بانكنوتتار – 94 دانا (15%), 10 000 تەڭگەلٸك بانكنوت – 36 دانا (7%). قالعان 13% بانكنوت باسقا نومينالدارىنا تيەسٸلٸ.
جالعان بانكنوتتاردىڭ كٶپ بٶلٸگٸ الماتىدا انىقتالدى – 355 دانا (جالپى ساننىڭ 68%), ودان كەيٸنگٸ ورىنداردا نۇر-سۇلتان قالاسى – 54 دانا جەنە شىعىس قازاقستان وبلىسى – 26 دانا.
شىنايى بانكنوتتى جالعان اقشادان اجىراتۋ ٷشٸن تٷپنۇسقاداعى بٸرنەشە بەلگٸنٸ بٸلۋ ماڭىزدى.
قولدان جاسالعان بانكنوتتاردىڭ نەگٸزگٸ بٶلٸگٸ تٷپنۇسقاداعى قانداي دا بٸر بەلگٸلەردٸ يميتاتسييالايتىن جەڭٸلدەتٸلگەن تەحنولوگييامەن دايىندالادى. «سەزٸن-قارا-اۋدارىپ كٶر» ەدٸسٸن قولدانا وتىرىپ, ارنايى جابدىقسىز-اق جالعان بانكنوتتى انىقتاۋعا بولادى.
تٷپنۇسقا بانكنوتتىڭ بٸرنەشە ايرىقشا بەلگٸسٸ بار.
بٸرٸنشٸدەن, ول ٶزٸنە تەن دىبىسپەن ەرەكشە شىتىرلايدى, ەكٸنشٸدەن – ارنايى رەلەفٸ بار.
سونىمەن قاتار بارلىق بانكنوتتا كٶرۋ قابٸلەتٸ ناشار ادامدار ٷشٸن ساۋساقتىڭ ۇشىمەن جاقسى اجىراتۋعا بولاتىن بەلگٸلەر بار. 1000, 2000, 5000, 10000 جەنە 20000 تەڭگەلٸك كۋپيۋرالاردا بانكنوتتىڭ كٶلبەۋ بۇرىشىن ٶزگەرتكەن كەزدە بەينەلەردٸڭ تٷسٸ جاسىلدان التىن تٷستەس ٶڭگە ٶزگەرەتٸن قاسيەتٸ بار.
سونىمەن بٸرگە جارىققا توسىپ قاراعان كەزدە بٸر تۇتاس جٸپ رەتٸندە انىق كٶرٸنەتٸن, جازۋى بار پۋنكتير تٷرٸندەگٸ تۇتاس ماگنيتتٸ جەنە ٷزٸك-ٷزٸك جٸپكە نازار اۋدارعان جٶن.
وسى ەرەكشەلٸكتەردٸڭ ٶزٸ ارنايى جابدىقتى پايدالانباي-اق بانكنوتتىڭ تٷپنۇسقالىلىعىن تەز ارادا تەكسەرٸپ الۋعا مٷمكٸندٸك بەرەدٸ.
