Memleket basshysy Qasym-Jomart Toqaev Joǵarǵy sot tóraǵasy Jaqyp Asanovty qabyldady, dep habarlaidy "Ult aqparat" Aqordaǵa silteme jasap.
Qazaqstan Prezidentine sot júiesine ákimshilik ádilet mehanizmin engizý barysy jaiynda málimet berildi. Sondai-aq Qasym-Jomart Toqaevqa jańa sýdialardy irikteý júiesin jaqsartýǵa, sot praktikasynyń birizdiligin qamtamasyz etýge jáne sot isin júrgizý sapasyn arttyrýǵa baǵyttalǵan usynystar jóninde aityldy.
Jaqyp Asanov biylǵy jyldyń 30 qazan kúni onlain formatta ótken Shanhai Yntymaqtastyq Uiymyna múshe memleketterdiń joǵarǵy sot tóraǵalarynyń 15-shi keńesiniń qorytyndylary týraly málimet berdi.
Prezident qylmystyq protseste aiyptaýshy men qorǵaýshy taraptar arasynda naqty jaryssózdi qamtamasyz etý máselesine nazar aýdardy.
Qasym-Jomart Toqaev azamattardyń, kásipkerler men investorlardyń sotqa degen senimin arttyrý sot tóreligi júiesiniń basty basymdyǵy ekenin erekshe atap ótti.
