مەملەكەت باسشىسى قاسىم-جومارت توقاەۆ جوعارعى سوت تٶراعاسى جاقىپ اسانوۆتى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان پرەزيدەنتٸنە سوت جٷيەسٸنە ەكٸمشٸلٸك ەدٸلەت مەحانيزمٸن ەنگٸزۋ بارىسى جايىندا مەلٸمەت بەرٸلدٸ. سونداي-اق قاسىم-جومارت توقاەۆقا جاڭا سۋديالاردى ٸرٸكتەۋ جٷيەسٸن جاقسارتۋعا, سوت پراكتيكاسىنىڭ بٸرٸزدٸلٸگٸن قامتاماسىز ەتۋگە جەنە سوت ٸسٸن جٷرگٸزۋ ساپاسىن ارتتىرۋعا باعىتتالعان ۇسىنىستار جٶنٸندە ايتىلدى.
جاقىپ اسانوۆ بيىلعى جىلدىڭ 30 قازان كٷنٸ ونلاين فورماتتا ٶتكەن شانحاي ىنتىماقتاستىق ۇيىمىنا مٷشە مەملەكەتتەردٸڭ جوعارعى سوت تٶراعالارىنىڭ 15-شٸ كەڭەسٸنٸڭ قورىتىندىلارى تۋرالى مەلٸمەت بەردٸ.
پرەزيدەنت قىلمىستىق پروتسەستە ايىپتاۋشى مەن قورعاۋشى تاراپتار اراسىندا ناقتى جارىسسٶزدٸ قامتاماسىز ەتۋ مەسەلەسٸنە نازار اۋداردى.
قاسىم-جومارت توقاەۆ ازاماتتاردىڭ, كەسٸپكەرلەر مەن ينۆەستورلاردىڭ سوتقا دەگەن سەنٸمٸن ارتتىرۋ سوت تٶرەلٸگٸ جٷيەسٸنٸڭ باستى باسىمدىعى ەكەنٸن ەرەكشە اتاپ ٶتتٸ.
