«Biryńǵai jinaqtaýshy zeinetaqy qory» AQ Basqarma tóraǵasy Janat Qurmanov keibir salymshylarǵa nelikten zeinetaqynyń bir bóligi berilmei jatqanyn túsindirdi, dep habarlaidy QazAqparat.
«25-30 qańtar aralyǵynda BJZQ-ǵa 52 myńnan astam ótinim kelip tústi. Onyń ishinde jalpy jinaqtyq somasy 212 mlrd teńgelik 38 389 ótinim (74%) odan ári qaraý úshin qabyldandy. Tólenýge tiis soma 5,5 million teńgeni qurady. 28 qańtardan bastap BJZQ «Qazaqstan halyq bankiniń» ýákiletti operatorlarynan ótinishter qabyldai bastady», - dedi Janat Qurmanov OKQ-da ótip jatqan baspasóz máslihatynda.
Onyń aitýynsha, BJZQ-da ótinimder qabyldaý bastalǵannan beri jalpy somasy 212,6 mlrd teńgege 38507 ótinim aldyn ala maquldanǵan.
«Taldaý jumystary kórsetkendei, ótinimderdi qabyldaýdan bas tartýdyń basty sebebi - salymshylar óz ótiniminde qoljetimdi mólsherden asatyn somany kórsetken. Ótinimniń qabyldanbaý jaǵdaiynyń 13% - suralǵan somalardyń qoljetimdi soma mólsherinen asyp ketýimen bailanysty. Sondai-aq qaitalanǵan ótinishter de boldy. Tipti múlde jinaǵy joq adamdardan ótinishter keldi. Durys resimdelmegen ótinishter de bar», - dep atap ótti spiker.
