«بٸرىڭعاي جيناقتاۋشى زەينەتاقى قورى» اق باسقارما تٶراعاسى جانات قۇرمانوۆ كەيبٸر سالىمشىلارعا نەلٸكتەن زەينەتاقىنىڭ بٸر بٶلٸگٸ بەرٸلمەي جاتقانىن تٷسٸندٸردٸ, دەپ حابارلايدى قازاقپارات.
«25-30 قاڭتار ارالىعىندا بجزق-عا 52 مىڭنان استام ٶتٸنٸم كەلٸپ تٷستٸ. ونىڭ ٸشٸندە جالپى جيناقتىق سوماسى 212 ملرد تەڭگەلٸك 38 389 ٶتٸنٸم (74%) ودان ەرٸ قاراۋ ٷشٸن قابىلداندى. تٶلەنۋگە تيٸس سوما 5,5 ميلليون تەڭگەنٸ قۇرادى. 28 قاڭتاردان باستاپ بجزق «قازاقستان حالىق بانكٸنٸڭ» ۋەكٸلەتتٸ وپەراتورلارىنان ٶتٸنٸشتەر قابىلداي باستادى», - دەدٸ جانات قۇرمانوۆ وكق-دا ٶتٸپ جاتقان باسپاسٶز مەسليحاتىندا.
ونىڭ ايتۋىنشا, بجزق-دا ٶتٸنٸمدەر قابىلداۋ باستالعاننان بەرٸ جالپى سوماسى 212,6 ملرد تەڭگەگە 38507 ٶتٸنٸم الدىن الا ماقۇلدانعان.
«تالداۋ جۇمىستارى كٶرسەتكەندەي, ٶتٸنٸمدەردٸ قابىلداۋدان باس تارتۋدىڭ باستى سەبەبٸ - سالىمشىلار ٶز ٶتٸنٸمٸندە قولجەتٸمدٸ مٶلشەردەن اساتىن سومانى كٶرسەتكەن. ٶتٸنٸمنٸڭ قابىلدانباۋ جاعدايىنىڭ 13% - سۇرالعان سومالاردىڭ قولجەتٸمدٸ سوما مٶلشەرٸنەن اسىپ كەتۋٸمەن بايلانىستى. سونداي-اق قايتالانعان ٶتٸنٸشتەر دە بولدى. تٸپتٸ مٷلدە جيناعى جوق ادامداردان ٶتٸنٸشتەر كەلدٸ. دۇرىس رەسٸمدەلمەگەن ٶتٸنٸشتەر دە بار», - دەپ اتاپ ٶتتٸ سپيكەر.
