Zeinetaqy jinaqtaryn SMS arqyly tekserý boiynsha BJZQ-nyń jańa qyzmeti iske qosyldy, dep habarlaidy "Ult aqparat" Qordyń baspasóz qyzmetine silteme jasap.
Salymshylarǵa yńǵaily bolý úshin BJZQ turǵyn úi jaǵdailaryn jaqsartýǵa, emdelýge aqy tóleý, sondai-aq, jeke basqarýshy kompaniialarǵa investitsiialyq basqarýǵa berý úshin qoljetimdi zeinetaqy jinaqtary týraly aqparat alýǵa bolatyn jańa qosymsha servisti iske qosty.
Ol úshin cabinet.enpf.kz/porog portalyna ótip, mGov mobildi azamattar bazasynda tirkelgen uialy telefon nómirine SMS arqyly kelip túsetin bir rettik parol arqyly avtorlaný qajet.
Bir rettik parol arqyly avtorlaný úshin bar-joǵy birneshe qadam jasaý kerek:
· ózińizdiń JSN jáne uialy telefon nómirińizdi engizińiz;
· derbes derekterińizdi jinaýǵa jáne óńdeýge óz kelisimińizdi berińiz;
· «Kodty jiberý» batyrmasyn basyńyz;
· alynǵan alty tańbaly kodty uialy telefonnan engizińiz.
Bul qosymsha servis salymshylar úshin óte yńǵaily, sebebi, ol jetkiliktilik shegin ETsQ-syz jáne BJZQ bólimshelerine barmai-aq bilýge múmkindik beredi. Jańa servis memlekettik organdar aiqyndaityn aqparattyq qaýipsizdik jónindegi talaptarǵa tolyq sáikes keledi.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵyn baspanaǵa jumsaýǵa arnalǵan onlain-platforma iske qosylady. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
