زەينەتاقى جيناقتارىن SMS ارقىلى تەكسەرۋ بويىنشا بجزق-نىڭ جاڭا قىزمەتٸ ٸسكە قوسىلدى, دەپ حابارلايدى "ۇلت اقپارات" قوردىڭ باسپاسٶز قىزمەتٸنە سٸلتەمە جاساپ.
سالىمشىلارعا ىڭعايلى بولۋ ٷشٸن بجزق تۇرعىن ٷي جاعدايلارىن جاقسارتۋعا, ەمدەلۋگە اقى تٶلەۋ, سونداي-اق, جەكە باسقارۋشى كومپانييالارعا ينۆەستيتسييالىق باسقارۋعا بەرۋ ٷشٸن قولجەتٸمدٸ زەينەتاقى جيناقتارى تۋرالى اقپارات الۋعا بولاتىن جاڭا قوسىمشا سەرۆيستٸ ٸسكە قوستى.
ول ٷشٸن cabinet.enpf.kz/porog پورتالىنا ٶتٸپ, mGov موبيلدٸ ازاماتتار بازاسىندا تٸركەلگەن ۇيالى تەلەفون نٶمٸرٸنە SMS ارقىلى كەلٸپ تٷسەتٸن بٸر رەتتٸك پارول ارقىلى اۆتورلانۋ قاجەت.
بٸر رەتتٸك پارول ارقىلى اۆتورلانۋ ٷشٸن بار-جوعى بٸرنەشە قادام جاساۋ كەرەك:
· ٶزٸڭٸزدٸڭ جسن جەنە ۇيالى تەلەفون نٶمٸرٸڭٸزدٸ ەنگٸزٸڭٸز;
· دەربەس دەرەكتەرٸڭٸزدٸ جيناۋعا جەنە ٶڭدەۋگە ٶز كەلٸسٸمٸڭٸزدٸ بەرٸڭٸز;
· «كودتى جٸبەرۋ» باتىرماسىن باسىڭىز;
· الىنعان التى تاڭبالى كودتى ۇيالى تەلەفوننان ەنگٸزٸڭٸز.
بۇل قوسىمشا سەرۆيس سالىمشىلار ٷشٸن ٶتە ىڭعايلى, سەبەبٸ, ول جەتكٸلٸكتٸلٸك شەگٸن ەتسق-سىز جەنە بجزق بٶلٸمشەلەرٸنە بارماي-اق بٸلۋگە مٷمكٸندٸك بەرەدٸ. جاڭا سەرۆيس مەملەكەتتٸك ورگاندار ايقىندايتىن اقپاراتتىق قاۋٸپسٸزدٸك جٶنٸندەگٸ تالاپتارعا تولىق سەيكەس كەلەدٸ.
ەسكە سالساق, 2 قاڭتاردا قر پرەزيدەنتٸ قاسىم-جومارت توقاەۆ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
قازاقستاندىقتاردىڭ زەينەتاقى جيناقتارىن پايدالانۋ ٷشٸن جاڭارتىلعان «جەتكٸلٸكتٸلٸك شەگٸ» جارييالاندى. زەينەتاقى جيناعىن باسپاناعا جۇمساۋعا ارنالعان ونلاين-پلاتفورما ٸسكە قوسىلادى. زەينەتاقى جيناعىنان الۋعا بولاتىن سوما بجزق سايتىندا اۆتوماتتى تٷردە كٶرسەتٸلەدٸ.
