Jyl basynan beri BJZQ salymshylarynyń zeinetaqy jinaqtary 2 trln teńgege artty, dep habarlaidy "Ult aqparat".
2020 jyldyń 1 jeltoqsanynda Biryńǵai jinaqtaýshy zeinetaqy qory salymshylarynyń shottarynda 12,7 trillion teńge somasynda zeinetaqy jinaqtary qalyptasty. Jyl basynan beri 1,9 trln teńgege nemese 18%-ǵa artty.
Zeinetaqy jinaqtarynyń negizgi somasy mindetti zeinetaqy jarnalary (MZJ) esebinen jinaqtaldy, onyń mólsheri 12,4 trln teńge.
2020 jyldyń 1 qańtarynan bastap 1 jeltoqsanǵa deiingi kezeń ishinde BJZQ salymshylarynyń shottaryna 1,13 trln teńge taza investitsiialyq tabys esepteldi. Bul 2019 jyldyń sáikes kezeńimen salystyrǵanda 531 mlrd teńgege (ósim 88%) artyq.
Jeke zeinetaqy shottarynyń sany 2020 jyldyń 1 jeltoqsanynda 11,6 mln birlikti qurady.
2020 jyldyń basynan beri salymshylardyń shottaryna jalpy kólemi 958,8 mlrd teńge zeinetaqy jarnalary aýdarylǵan, ol 2019 jyldyń 11 aiyndaǵy kórsetkishten 75,8 mlrd teńgege nemese 9% asyp tústi.
