جىل باسىنان بەرٸ بجزق سالىمشىلارىنىڭ زەينەتاقى جيناقتارى 2 ترلن تەڭگەگە ارتتى, دەپ حابارلايدى "ۇلت اقپارات".
2020 جىلدىڭ 1 جەلتوقسانىندا بٸرىڭعاي جيناقتاۋشى زەينەتاقى قورى سالىمشىلارىنىڭ شوتتارىندا 12,7 تريلليون تەڭگە سوماسىندا زەينەتاقى جيناقتارى قالىپتاستى. جىل باسىنان بەرٸ 1,9 ترلن تەڭگەگە نەمەسە 18%-عا ارتتى.
زەينەتاقى جيناقتارىنىڭ نەگٸزگٸ سوماسى مٸندەتتٸ زەينەتاقى جارنالارى (مزج) ەسەبٸنەن جيناقتالدى, ونىڭ مٶلشەرٸ 12,4 ترلن تەڭگە.
2020 جىلدىڭ 1 قاڭتارىنان باستاپ 1 جەلتوقسانعا دەيٸنگٸ كەزەڭ ٸشٸندە بجزق سالىمشىلارىنىڭ شوتتارىنا 1,13 ترلن تەڭگە تازا ينۆەستيتسييالىق تابىس ەسەپتەلدٸ. بۇل 2019 جىلدىڭ سەيكەس كەزەڭٸمەن سالىستىرعاندا 531 ملرد تەڭگەگە (ٶسٸم 88%) ارتىق.
جەكە زەينەتاقى شوتتارىنىڭ سانى 2020 جىلدىڭ 1 جەلتوقسانىندا 11,6 ملن بٸرلٸكتٸ قۇرادى.
2020 جىلدىڭ باسىنان بەرٸ سالىمشىلاردىڭ شوتتارىنا جالپى كٶلەمٸ 958,8 ملرد تەڭگە زەينەتاقى جارنالارى اۋدارىلعان, ول 2019 جىلدىڭ 11 ايىنداعى كٶرسەتكٸشتەن 75,8 ملرد تەڭگەگە نەمەسە 9% اسىپ تٷستٸ.
