BJZQ úshin tek zeinetaqy aktivterinen komissiia qurylady, dep habarlaidy Ulttyq banktiń baspasóz qyzmeti.
«2 qańtarda qabyldanǵan Zańǵa sáikes salymshylar óz zeinetaqy jinaqtarynyń bir bóligin basqarýǵa aýdara alatyn BJZQ, Qazaqstan Ulttyq banki jáne investitsiialyq portfeldi basqarýshylar arasyndaǵy komissiialyq syiaqy, sondai-aq onyń shekti mólsheriniń deńgeii tómendedi. Qabyldanǵan túzetýlerge sáikes, BJZQ úshin tek zeinetaqy aktivterinen komissiia qurylady. Sonymen birge kórsetilgen komissiialyq syiaqynyń shekti mólsheri 60%-ǵa – zeinetaqy aktivterinen aiyna 0,025% -dan 0,01% -ǵa deiin tómendetildi», - delingen habarlamada.
Qazaqstan Ulttyq banki men investitsiialyq portfeldi basqarýshylar úshin shekti mánderdi belgilei otyryp, investitsiialyq kirister boiynsha komissiia qarastyrylǵan. Investitsiialyq kiris boiynsha naqty alynǵan komissiia mólsheri qaita qaralyp, jyl saiyn belgilenip otyrady.
Sonymen birge, Qazaqstan Ulttyq bankiniń usynysymen onyń komissiialyq syiaqynyń shekti mólsheri investitsiialyq kiristiń 73% – 7,5%-dan 2,0% deiin tómendetildi.
Eger buryn BJZQ investitsiialyq kiristen komissiia alǵan bolsa, onda jańa talaptarǵa sáikes syiaqy tikelei investitsiialyq portfeldi basqarýshyǵa túsedi. Bul salymshyǵa investitsiialyq portfeldi basqarýshynyń komissiialyq syiaqysy baqylaýǵa múmkindik berip, ózine tiimdi sharttardy tańdaýǵa jaǵdai jasaidy.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
