بجزق ٷشٸن تەك زەينەتاقى اكتيۆتەرٸنەن كوميسسييا قۇرىلادى, دەپ حابارلايدى ۇلتتىق بانكتٸڭ باسپاسٶز قىزمەتٸ.
«2 قاڭتاردا قابىلدانعان زاڭعا سەيكەس سالىمشىلار ٶز زەينەتاقى جيناقتارىنىڭ بٸر بٶلٸگٸن باسقارۋعا اۋدارا الاتىن بجزق, قازاقستان ۇلتتىق بانكٸ جەنە ينۆەستيتسييالىق پورتفەلدٸ باسقارۋشىلار اراسىنداعى كوميسسييالىق سىياقى, سونداي-اق ونىڭ شەكتٸ مٶلشەرٸنٸڭ دەڭگەيٸ تٶمەندەدٸ. قابىلدانعان تٷزەتۋلەرگە سەيكەس, بجزق ٷشٸن تەك زەينەتاقى اكتيۆتەرٸنەن كوميسسييا قۇرىلادى. سونىمەن بٸرگە كٶرسەتٸلگەن كوميسسييالىق سىياقىنىڭ شەكتٸ مٶلشەرٸ 60%-عا – زەينەتاقى اكتيۆتەرٸنەن ايىنا 0,025% -دان 0,01% -عا دەيٸن تٶمەندەتٸلدٸ», - دەلٸنگەن حابارلامادا.
قازاقستان ۇلتتىق بانكٸ مەن ينۆەستيتسييالىق پورتفەلدٸ باسقارۋشىلار ٷشٸن شەكتٸ مەندەردٸ بەلگٸلەي وتىرىپ, ينۆەستيتسييالىق كٸرٸستەر بويىنشا كوميسسييا قاراستىرىلعان. ينۆەستيتسييالىق كٸرٸس بويىنشا ناقتى الىنعان كوميسسييا مٶلشەرٸ قايتا قارالىپ, جىل سايىن بەلگٸلەنٸپ وتىرادى.
سونىمەن بٸرگە, قازاقستان ۇلتتىق بانكٸنٸڭ ۇسىنىسىمەن ونىڭ كوميسسييالىق سىياقىنىڭ شەكتٸ مٶلشەرٸ ينۆەستيتسييالىق كٸرٸستٸڭ 73% – 7,5%-دان 2,0% دەيٸن تٶمەندەتٸلدٸ.
ەگەر بۇرىن بجزق ينۆەستيتسييالىق كٸرٸستەن كوميسسييا العان بولسا, وندا جاڭا تالاپتارعا سەيكەس سىياقى تٸكەلەي ينۆەستيتسييالىق پورتفەلدٸ باسقارۋشىعا تٷسەدٸ. بۇل سالىمشىعا ينۆەستيتسييالىق پورتفەلدٸ باسقارۋشىنىڭ كوميسسييالىق سىياقىسى باقىلاۋعا مٷمكٸندٸك بەرٸپ, ٶزٸنە تيٸمدٸ شارتتاردى تاڭداۋعا جاعداي جاسايدى.
ەسكە سالساق, 2 قاڭتاردا قر پرەزيدەنتٸ قاسىم-جومارت توقاەۆ زەينەتاقى جيناعىنىڭ بٸر بٶلٸگٸن ماقساتتى پايدالانۋعا قاتىستى زاڭعا قول قويدى.
