Biryńǵai jinaqtaýshy zeinetaqy qory (BJZQ) qarjylyq kórsetkishter boiynsha málimetterdi jariialady, dep habarlaidy "Ult aqparat".
«2019 jyldyń 1 aqpanyna qarai zeinetaqy jinaqtarynyń jalpy somasy 9,4 trln teńgeni qurap, sońǵy 12 ai ishinde 1,6 trln teńgege kóbeidi. Eske sala ketelik, byltyrǵy jyldyń 1 aqpanyna qarai zeinetaqy jinaqtarynyń jalpy somasy 7,8 trln teńge bolǵan edi. Osy kezeń ishinde salymshylardyń shotyna úlestirilgen zeinetaqy aktivteriniń ósimi 21 paiyzǵa jetti. Bul rette zeinetaqy aktivteri zeinetaqy jarnalary men investitsiialyq tabystan quralatyndyǵyn eske salamyz», - delingen qordyq baspasóz qyzmeti taratqan málimette.
2019 jyldyń alǵashqy aiynda salymshylar men alýshylardyń shottaryna úlestirilgen taza investitsiialyq tabys 15,4 mlrd teńge boldy. Bul ótken jyldyń sáikes kezeńimen salystyrǵanda 5,6 mlrd teńgege (nemese 57%-ǵa) joǵary. 12 ai ishinde zeinetaqy aktivteriniń tabystylyǵy 11,3 paiyz bolsa, osy kezeńde infliatsiia deńgeii 5,2 paiyzdy kórsetti. Iaǵni, bir jyl ishinde zeinetaqy aktivteri boiynsha naqty, taza tabystylyq 6,1 paiyzdy qurady.
2019 jyldyń 1 aqpanyna qarai sharttardyń barlyq túri boiynsha jeke zeinetaqy shottarynyń (JZSh) sany 10,4 mln boldy.
