بٸرىڭعاي جيناقتاۋشى زەينەتاقى قورى (بجزق) قارجىلىق كٶرسەتكٸشتەر بويىنشا مەلٸمەتتەردٸ جارييالادى, دەپ حابارلايدى "ۇلت اقپارات".
«2019 جىلدىڭ 1 اقپانىنا قاراي زەينەتاقى جيناقتارىنىڭ جالپى سوماسى 9,4 ترلن تەڭگەنٸ قۇراپ, سوڭعى 12 اي ٸشٸندە 1,6 ترلن تەڭگەگە كٶبەيدٸ. ەسكە سالا كەتەلٸك, بىلتىرعى جىلدىڭ 1 اقپانىنا قاراي زەينەتاقى جيناقتارىنىڭ جالپى سوماسى 7,8 ترلن تەڭگە بولعان ەدٸ. وسى كەزەڭ ٸشٸندە سالىمشىلاردىڭ شوتىنا ٷلەستٸرٸلگەن زەينەتاقى اكتيۆتەرٸنٸڭ ٶسٸمٸ 21 پايىزعا جەتتٸ. بۇل رەتتە زەينەتاقى اكتيۆتەرٸ زەينەتاقى جارنالارى مەن ينۆەستيتسييالىق تابىستان قۇرالاتىندىعىن ەسكە سالامىز», - دەلٸنگەن قوردىق باسپاسٶز قىزمەتٸ تاراتقان مەلٸمەتتە.
2019 جىلدىڭ العاشقى ايىندا سالىمشىلار مەن الۋشىلاردىڭ شوتتارىنا ٷلەستٸرٸلگەن تازا ينۆەستيتسييالىق تابىس 15,4 ملرد تەڭگە بولدى. بۇل ٶتكەن جىلدىڭ سەيكەس كەزەڭٸمەن سالىستىرعاندا 5,6 ملرد تەڭگەگە (نەمەسە 57%-عا) جوعارى. 12 اي ٸشٸندە زەينەتاقى اكتيۆتەرٸنٸڭ تابىستىلىعى 11,3 پايىز بولسا, وسى كەزەڭدە ينفلياتسييا دەڭگەيٸ 5,2 پايىزدى كٶرسەتتٸ. ياعني, بٸر جىل ٸشٸندە زەينەتاقى اكتيۆتەرٸ بويىنشا ناقتى, تازا تابىستىلىق 6,1 پايىزدى قۇرادى.
2019 جىلدىڭ 1 اقپانىنا قاراي شارتتاردىڭ بارلىق تٷرٸ بويىنشا جەكە زەينەتاقى شوتتارىنىڭ (جزش) سانى 10,4 ملن بولدى.
