Tanymal ánshi Maqpal Júnisova úiine jóndeý jumystaryn júrgizgen qurylysshylarǵa narazylyǵyn bildirdi, dep habarlaidy ult.kz.
Óner iesiniń aitýynsha, úige jóndeý jasalǵanyna áli bir jyl tolmaǵanymen, qabyrǵalary túsip, qurylys sapasyna qatysty másele týyndaǵan.
Ánshi bul jumysqa qazaq jigitteriniń qatysqanyn jáne olarǵa 55 million teńge tólegenin aitty. Onyń sózinshe, qurylysshylar tórt ai boiy úiiniń aýlasynda kiiz úi tigip turǵan.
«Qurylysshylardyń jasap ketkeni. Ózimizdiń qazaqtyń jigitteri. 55 million teńge aldy. Tórt ai esik aldyna kiiz úi quryp jatty. Tamaǵymdy ishti. Meni jesir áiel, eshteńe bilmeii dep basynǵany ma? Átteń, Zákeń joq, bastaryn julyp alatyn edi», – dedi Maqpal Júnisova.
Ánshiniń bul jazbasyna jeli qoldanýshylary da pikir bildirdi. Olardyń birqatary qurylys sapasyna jaýapty adamdardy zań aiasynda jaýapkershilikke tartýdy usyndy.
