Biyl álem elderi koronavirýsqa bailanysty karantin jariialap, shekteý sharalaryn kúsheitkennen keiin atmosferaǵa taraityn ziiandy zattar byltyrmen salystyrǵanda 7 paiyz azaiǵan. Ǵalamdyq kómirtek jobasynyń (Global Carbon Project) 11 jeltoqsanda jariialanǵan zertteýinde osyndai málimet aitylady.
Zertteý júrgizgen halyqaralyq ǵalymdardyń esebinshe, biyl aýaǵa 34 milliard tonna kómirqyshqyl gazy taraǵan. AQSh-ta atmosferaǵa bólinetin ziiandy zattar kólemi - 12 paiyzǵa, Eýroodaqta 11 paiyzǵa azaiǵan. Al indettiń alǵashqy tolqynynan keiin qatań lokdaýn arqyly virýsty tejep, kóktemde kásiporyndar men jumys oryndaryn qaita ashýǵa múmkindik alǵan Qytaida kómirqyshqyl gazy 1,7 paiyzǵa azaiǵan.
Ǵalymdardyń aitýynsha, biyl adamdardyń kóbi úiden shyqpai, kólik pen ushaqqa sirek otyrǵandyqtan aýaǵa ziiandy zattar da az taraǵan. Degenmen ǵalymdar koronavirýs indeti bastalmai turyp ta aldyńǵy jyldary kómirqyshqyl gazynyń baiaý artqanyn baiqaǵan. Ekologtar indetten keiin kómirqyshqyl gazy qaita kóbeiedi dep boljaidy. Biraq ǵalymdar AQSh pen Eýropa ekonomikasyn tabiǵi energiia kózderiniń kómegimen qalpyna keltirip, ziiandy zattardy azaitatyn shyǵar dep úmittenedi.
