بيىل ەلەم ەلدەرٸ كوروناۆيرۋسقا بايلانىستى كارانتين جارييالاپ, شەكتەۋ شارالارىن كٷشەيتكەننەن كەيٸن اتموسفەراعا تارايتىن زيياندى زاتتار بىلتىرمەن سالىستىرعاندا 7 پايىز ازايعان. عالامدىق كٶمٸرتەك جوباسىنىڭ (Global Carbon Project) 11 جەلتوقساندا جارييالانعان زەرتتەۋٸندە وسىنداي مەلٸمەت ايتىلادى.
زەرتتەۋ جٷرگٸزگەن حالىقارالىق عالىمداردىڭ ەسەبٸنشە, بيىل اۋاعا 34 ميلليارد توننا كٶمٸرقىشقىل گازى تاراعان. اقش-تا اتموسفەراعا بٶلٸنەتٸن زيياندى زاتتار كٶلەمٸ - 12 پايىزعا, ەۋرووداقتا 11 پايىزعا ازايعان. ال ٸندەتتٸڭ العاشقى تولقىنىنان كەيٸن قاتاڭ لوكداۋن ارقىلى ۆيرۋستى تەجەپ, كٶكتەمدە كەسٸپورىندار مەن جۇمىس ورىندارىن قايتا اشۋعا مٷمكٸندٸك العان قىتايدا كٶمٸرقىشقىل گازى 1,7 پايىزعا ازايعان.
عالىمداردىڭ ايتۋىنشا, بيىل ادامداردىڭ كٶبٸ ٷيدەن شىقپاي, كٶلٸك پەن ۇشاققا سيرەك وتىرعاندىقتان اۋاعا زيياندى زاتتار دا از تاراعان. دەگەنمەن عالىمدار كوروناۆيرۋس ٸندەتٸ باستالماي تۇرىپ تا الدىڭعى جىلدارى كٶمٸرقىشقىل گازىنىڭ باياۋ ارتقانىن بايقاعان. ەكولوگتار ٸندەتتەن كەيٸن كٶمٸرقىشقىل گازى قايتا كٶبەيەدٸ دەپ بولجايدى. بٸراق عالىمدار اقش پەن ەۋروپا ەكونوميكاسىن تابيعي ەنەرگييا كٶزدەرٸنٸڭ كٶمەگٸمەن قالپىنا كەلتٸرٸپ, زيياندى زاتتاردى ازايتاتىن شىعار دەپ ٷمٸتتەنەدٸ.
