Tanymal asaba Sabyrjannyń toi ústinde aitqan bir aýyz sózi áleýmettik jelide qyzý talqyǵa túsip, kópshiliktiń synyna ushyrady, dep habarlaidy ult.kz.
Oqiǵa toi barysynda bolǵan. Asaba órt sóndirý qyzmetinde eńbek etetin azamatqa aqjarma tilegin arnamaq bolyp, «órtiń kóp bolsyn» degen sóz aitqan. Alaida bul sóz kópshiliktiń kóńilinen shyqpai, áleýmettik jelilerde keń tarap ketti. Jeli qoldanýshylary mundai ázildi orynsyz dep baǵalap, tilsiz jaýmen kún saiyn kúresip júrgen mamandyq iesine mundai tilek aitý jaýapsyzdyq ekenin jazdy.
Arada kóp ýaqyt ótpei, osy jaǵdaiǵa bailanysty taǵy bir beinejazba jariialandy. Onda video avtory jaqynda Temirtaý qalasyndaǵy zirattardyń birinde iri órt bolǵanyn eske saldy. Onyń aitýynsha, jalyn úlken aýmaqty sharpyp, órt sóndirýshiler ony uzaq ýaqyt boiy aýyzdyqtaýǵa májbúr bolǵan.
Keiinirek anyqtalǵandai, órt shyqqan sol qorymda asaba Sabyrjannyń anasy – Kúmis-ai apa da jerlengen.
Video avtory tilsiz jaýdyń qai kezde, kimniń basyna qaiǵy ákeletinin eshkim bilmeitinin aityp, aitylǵan sózdiń salmaǵyna jaýapkershilikpen qaraýǵa shaqyrdy. Sondai-aq ol asaba Sabyrjannyń qoǵam aldynda ashyq túrde keshirim suraýy oryndy bolatynyn jetkizdi.
