Ońtústik Koreiadaǵy aeroǵarysh zaýytyndaǵy jarylystan 5 adam qaza tapty, dep habarlaidy ult.kz.
Ońtústik Koreianyń Tedjon qalasynda ornalasqan Hanwha Aerospace aeroǵarysh jáne qorǵanys zaýytynda bolǵan jarylys saldarynan keminde bes adam qaza taýyp, eki adam jaraqat aldy. Qaiǵyly oqiǵa 1 maýsym kúni zymyran otynyn óndirý jelisinde bolǵan.
Jergilikti biliktiń málimetinshe, jarylystan keiin zaýyt aýmaǵynda órt shyqqan. Zardap shekken eki qyzmetkerdiń biri aýyr kúiik alyp, óz kúshimen ǵimarattan shyǵa alǵan. Qaza bolǵandardyń denesi qatty zaqymdanǵandyqtan, olardyń jeke basyn anyqtaý jumystary júrgizilip jatyr.
Aldyn ala málimet boiynsha, apat zymyran otynyn daiyndaýǵa arnalǵan quraldardy tazalaý kezinde bolǵan bolýy múmkin. Alaida jarylystyń naqty sebebi áli anyqtalǵan joq. Tergeý bastalyp, oqiǵa ornyna arnaiy sarapshylar jiberildi.
Oqiǵadan keiin Hanwha Aerospace kompaniiasy Ońtústik Koreiadaǵy toǵyz óndiristik alańnyń jumysyn ýaqytsha toqtatyp, qaýipsizdik tekserýlerin júrgizetinin málimdedi. Sonymen qatar eldiń Eńbek ministrligi kompaniianyń shtab-páteri men zaýytynda tekserý jumystaryn bastaǵan.
