وڭتٷستٸك كورەياداعى اەروعارىش زاۋىتىنداعى جارىلىستان 5 ادام قازا تاپتى, دەپ حابارلايدى ult.kz.
وڭتٷستٸك كورەيانىڭ تەدجون قالاسىندا ورنالاسقان Hanwha Aerospace اەروعارىش جەنە قورعانىس زاۋىتىندا بولعان جارىلىس سالدارىنان كەمٸندە بەس ادام قازا تاۋىپ, ەكٸ ادام جاراقات الدى. قايعىلى وقيعا 1 ماۋسىم كٷنٸ زىمىران وتىنىن ٶندٸرۋ جەلٸسٸندە بولعان.
جەرگٸلٸكتٸ بيلٸكتٸڭ مەلٸمەتٸنشە, جارىلىستان كەيٸن زاۋىت اۋماعىندا ٶرت شىققان. زارداپ شەككەن ەكٸ قىزمەتكەردٸڭ بٸرٸ اۋىر كٷيٸك الىپ, ٶز كٷشٸمەن عيماراتتان شىعا العان. قازا بولعانداردىڭ دەنەسٸ قاتتى زاقىمدانعاندىقتان, ولاردىڭ جەكە باسىن انىقتاۋ جۇمىستارى جٷرگٸزٸلٸپ جاتىر.
الدىن الا مەلٸمەت بويىنشا, اپات زىمىران وتىنىن دايىنداۋعا ارنالعان قۇرالداردى تازالاۋ كەزٸندە بولعان بولۋى مٷمكٸن. الايدا جارىلىستىڭ ناقتى سەبەبٸ ەلٸ انىقتالعان جوق. تەرگەۋ باستالىپ, وقيعا ورنىنا ارنايى ساراپشىلار جٸبەرٸلدٸ.
وقيعادان كەيٸن Hanwha Aerospace كومپانيياسى وڭتٷستٸك كورەياداعى توعىز ٶندٸرٸستٸك الاڭنىڭ جۇمىسىن ۋاقىتشا توقتاتىپ, قاۋٸپسٸزدٸك تەكسەرۋلەرٸن جٷرگٸزەتٸنٸن مەلٸمدەدٸ. سونىمەن قاتار ەلدٸڭ ەڭبەك مينيسترلٸگٸ كومپانييانىڭ شتاب-پەتەرٸ مەن زاۋىتىندا تەكسەرۋ جۇمىستارىن باستاعان.
