Ánshi ári aktrisa Asha Mataidyń Qazaqstan halyq partiiasynan (QHP) Májilis depýtattyǵyna kandidat retinde usynylýy áleýmettik jelide qyzý pikirtalas týǵyzdy, dep habarlaidy ult.kz.
Jýrnalist Ashat Niiazov partiia sezi kezinde kandidattyń saiasatqa qatysty daiyndyǵyn baǵalaý maqsatynda oǵan birneshe qarapaiym suraq qoiǵanyn aitty.
Jýrnalistiń sózinshe, suhbat barysynda Asha Matai barlyq saýalǵa senimdi jaýap bergendei kóringen. Alaida beinematerialdy keiin montajdaý kezinde kútpegen jaitqa tap bolǵan.
«Ony tosyldyrmaq bolǵan edim, biraq barlyq suraqqa jaýap berdi. Keiin shyǵarylymdy montajdap jatqanda, jaýaptardy bireýlerdiń sybyrlap aityp turǵanyn baiqadym», – dedi Ashat Niiazov.
Bul málimdemeden keiin áleýmettik jeli qoldanýshylary túrli pikir bildirip, depýtattyqqa úmitkerlerdiń daiyndyq deńgeii men qoǵamdyq jaýapkershiligi tóńireginde qyzý talqylaý bastaldy.
Al Asha Matai nemese Qazaqstan halyq partiiasy bul jaitqa qatysty ázirge resmi pikir bildirgen joq.
