Қазақстан Тәуелсіздігіне 25 жыл

Koliaskamen avtobýsqa kirýge tyiym salyndy degen aqparat – jalǵan

Koliaskamen avtobýsqa kirýge tyiym salyndy degen aqparat – jalǵan
El.kz

Kólik ministrligi balalar koliaskasymen qoǵamdyq kólikke kirýge tyiym salynǵany týraly taraǵan aqparatty joqqa shyǵardy. Qoldanystaǵy qaǵidalar ata-analardyń balalarymen birge avtobýsqa minýine shekteý qoimaidy, dep habarlaidy ult.kz.

Ministrliktiń túsindirýinshe, Avtomobil kóligimen jolaýshylar men bagajdy tasymaldaý qaǵidalaryna engizilgen ózgeristerge sáikes, avtobýs salony shamadan tys tolǵan jaǵdaida, ata-anaǵa arnalǵan bos oryn bolsa, balalar koliaskasyn jinap alyp júrý kózdelgen.

Bul rette koliaska ózge jolaýshylardyń erkin qozǵalýyna kedergi keltirmeýi kerek. Talaptyń negizgi maqsaty – balalar men olardy alyp júretin ata-analardyń qaýipsizdigin qamtamasyz etý jáne avtobýs salonyndaǵy ótý jolyn bos ustaý.

Alaida ata-anaǵa koliaskany jinaý qolaisyz bolsa, saparyn ony jaiylǵan kúiinde jalǵastyra alady.

Ministrlik bul talapty oryndamaǵany úshin aiyppul salý, jolaýshyny avtobýstan túsirý nemese ózge de sanktsiialar qarastyrylmaǵanyn atap ótti.