Қазақстан Тәуелсіздігіне 25 жыл

Bir táýlik boiy kólikte qamalyp qalǵan: 86 jastaǵy qariiany politseiler izdep tapty

Bir táýlik boiy kólikte qamalyp qalǵan: 86 jastaǵy qariiany politseiler izdep tapty
polisia.kz

Aqmola oblysynda 86 jastaǵy zeinetkerdi politsiia qyzmetkerleri izdep taýyp, otbasyna aman-esen tapsyrdy. Jalǵyz turatyn qariia VAZ-2107 kóligimen jolǵa shyǵyp, jol-kólik oqiǵasyna tap bolǵan. Alaida bul týraly eshkimge habarlai almaǵan, dep habarlaidy ult.kz.

Polisia.kz málimetinshe, oqiǵa Sandyqtaý aýdanyna qarasty Shańtóbe kentinde bolǵan. Jeke kóligimen jolǵa shyqqan zeinetkerdiń VAZ-2107 avtokóligi jol boiyndaǵy orǵa túsip ketken. Qariia kólikten ózdiginen shyǵa almai, kómek shaqyrýǵa da múmkindigi bolmaǵan.

Er adam kelesi kúni de úiine oralmaǵan ári týystarymen bailanysqa shyqpaǵan. Osyǵan alańdaǵan jaqyndary politsiiaǵa habarlasyp, zeinetkerdi izdeýge kómek suraǵan.

Izdestirý jumystaryna kirisken tártip saqshylary aldymen beinebaqylaý kameralarynyń jazbalaryn qarap, qariianyń yqtimal qozǵalys baǵytyn anyqtaǵan. Sonyń nátijesinde kóp uzamai joldan shyǵyp ketken kólik tabyldy. Zeinetker sol sátte áli de avtokóliktiń ishinde otyrǵan.

Politsiia qyzmetkerleri qariiany týystaryna aman-esen jetkizip qana qoimai, kóligin de ordan shyǵarýǵa kómektesken.

Zeinetkerdiń nemeresi jedel áreket etken politseilerge rizashylyǵyn bildirip, qiyn sátte kórsetken kómegi úshin alǵys aitqan.