اقمولا وبلىسىندا 86 جاستاعى زەينەتكەردٸ پوليتسييا قىزمەتكەرلەرٸ ٸزدەپ تاۋىپ, وتباسىنا امان-ەسەن تاپسىردى. جالعىز تۇراتىن قارييا ۆاز-2107 كٶلٸگٸمەن جولعا شىعىپ, جول-كٶلٸك وقيعاسىنا تاپ بولعان. الايدا بۇل تۋرالى ەشكٸمگە حابارلاي الماعان, دەپ حابارلايدى ult.kz.
Polisia.kz مەلٸمەتٸنشە, وقيعا ساندىقتاۋ اۋدانىنا قاراستى شاڭتٶبە كەنتٸندە بولعان. جەكە كٶلٸگٸمەن جولعا شىققان زەينەتكەردٸڭ ۆاز-2107 اۆتوكٶلٸگٸ جول بويىنداعى ورعا تٷسٸپ كەتكەن. قارييا كٶلٸكتەن ٶزدٸگٸنەن شىعا الماي, كٶمەك شاقىرۋعا دا مٷمكٸندٸگٸ بولماعان.
ەر ادام كەلەسٸ كٷنٸ دە ٷيٸنە ورالماعان ەرٸ تۋىستارىمەن بايلانىسقا شىقپاعان. وسىعان الاڭداعان جاقىندارى پوليتسيياعا حابارلاسىپ, زەينەتكەردٸ ٸزدەۋگە كٶمەك سۇراعان.
ٸزدەستٸرۋ جۇمىستارىنا كٸرٸسكەن تەرتٸپ ساقشىلارى الدىمەن بەينەباقىلاۋ كامەرالارىنىڭ جازبالارىن قاراپ, قارييانىڭ ىقتيمال قوزعالىس باعىتىن انىقتاعان. سونىڭ نەتيجەسٸندە كٶپ ۇزاماي جولدان شىعىپ كەتكەن كٶلٸك تابىلدى. زەينەتكەر سول سەتتە ەلٸ دە اۆتوكٶلٸكتٸڭ ٸشٸندە وتىرعان.
پوليتسييا قىزمەتكەرلەرٸ قارييانى تۋىستارىنا امان-ەسەن جەتكٸزٸپ قانا قويماي, كٶلٸگٸن دە وردان شىعارۋعا كٶمەكتەسكەن.
زەينەتكەردٸڭ نەمەرەسٸ جەدەل ەرەكەت ەتكەن پوليتسەيلەرگە ريزاشىلىعىن بٸلدٸرٸپ, قيىن سەتتە كٶرسەتكەن كٶمەگٸ ٷشٸن العىس ايتقان.