حالىق ەرتٸسٸ اسانەلٸ ەشٸموۆتٸڭ جارى باعدات ەشٸموۆا ٶنەر يەسٸنٸڭ اماناتى مەن ورىندالماي قالعان ارمانى تۋرالى جازدى, دەپ حابارلايدى ult.kz.
ول ەلەۋمەتتٸك جەلٸدەگٸ پاراقشاسىندا مارقۇمنىڭ جىلدىق اسىندا سٶيلەگەن سٶزٸن بٶلٸسكەن. باعدات ەشٸموۆا ٷشٸن جارىنىڭ ۇرپاعى مەن ٶزٸ باۋلىعان شەكٸرتتەرٸنٸڭ ورنى بٶلەك.
“مەنٸڭ وڭ قاناتىم, مەنٸڭ تٸرەگٸم, مەنٸڭ بارىم – اسەكەڭنٸڭ ۇرپاعى. سول قاناتىم – اسانەلٸ ەشٸموۆ تەاترىنىڭ اكتەرلەرٸ. اسەكەڭنٸڭ اماناتى…” – دەپ جازدى ول.
ٶنەر يەسٸنٸڭ كٶزٸ تٸرٸسٸندە اڭساعان تٸلەكتەرٸنٸڭ بٸرٸ – ٶز اتىنداعى تەاتردىڭ جەكە عيماراتىنا قول جەتكٸزۋٸ ەدٸ. باعدات ەشٸموۆا جارىنىڭ وسى ارمانى ورىندالسا دەگەن ٷمٸتٸن جەتكٸزدٸ.
“اسانەلٸ ەشٸموۆ اتىنداعى تەاتردىڭ ٶز الدىنا جەكە عيماراتى بولىپ, اكتەرلەرٸنٸڭ باس قوسار قاسيەتتٸ ساحناسى, ٶنەردٸڭ ٶركەن جايعان ورداسى بولسا دەگەن ارمان-تٸلەگٸ بار ەدٸ. سول ارمان ورىندالىپ, شەكٸرتتەرٸ ٶز شاڭىراعىنىڭ استىندا ٶنەر كٶرسەتسە ەكەن!” – دەدٸ ول.
باعدات ەشٸموۆا جارىنىڭ شەكٸرتتەرٸ مەن ٶنەر ۇجىمىن دا ارتىندا قالعان اماناتى دەپ بٸلەدٸ. ولاردىڭ شىعارماشىلىق جولىن جالعاپ, بٸر شاڭىراق استىندا ٶنەر كٶرسەتۋٸ ٶزٸ ٷشٸن قىمبات ەكەنٸن اڭعارتتى.
“اماناتتىڭ جٷگٸ اۋىر. ارتىندا قالعان ٸزدٸ جالعاۋ – ٷلكەن جاۋاپكەرشٸلٸك”, – دەپ تٷيٸندەدٸ ول.
ايتا كەتەيٸك, باعدات ەشٸموۆا اسانەلٸ ەشٸموۆتٸڭ ۇرپاقتارىن تانىستىردى.
اسانەلٸ ەشٸموۆ كٸم?
اسانەلٸ ەشٸموۆ — قازاقتىڭ كٶرنەكتٸ تەاتر جەنە كينو اكتەرٸ, رەجيسسەر, ۇستاز, قازاقستاننىڭ جەنە كسرو-نىڭ حالىق ەرتٸسٸ, قازاقستاننىڭ ەڭبەك ەرٸ. 1937 جىلى 8 مامىردا جامبىل وبلىسى سارىسۋ اۋدانىنىڭ جايىلما اۋىلىندا دٷنيەگە كەلگەن.

كٶرەرمەنگە “قىز جٸبەك” فيلمٸندەگٸ بەكەجان, “اتاماننىڭ اقىرى” كارتيناسىنداعى شاديياروۆ, “ترانسسٸبٸر ەكسپرەسٸندەگٸ” قاسىمحانوۆ رٶلدەرٸمەن كەڭٸنەن تانىلعان.

مۇحتار ەۋەزوۆ اتىنداعى قازاق ۇلتتىق دراما تەاترىندا ەڭبەك ەتٸپ, قازاق ساحناسى مەن كينوسىنىڭ دامۋىنا زور ٷلەس قوسقان. رەجيسسەر رەتٸندە “شوقان ۋەليحانوۆ”, “قوزى كٶرپەش – بايان سۇلۋ” تۋىندىلارىن تٷسٸرگەن.