Jambyl oblysynyń Merki aýdanynda 19 jasynda kóz jumǵan Madina Rashidqyzynyń ólimine qatysty jańa derekter aityldy, dep habarlaidy ult.kz.
Qogam news-ke marqumnyń qaiyn jurtynyń aýyldastary suhbat berdi.
Madina Rashidqyzynyń ólimi aýyldyqtarǵa da jumbaq eken.
Madinanyń ólimine qatysty qoǵamda túrli pikir aitylyp jatyr. Mektep psihology bolyp qyzmet etken Ásem Ámireeva marqumnyń qazasyna bailanysty óz oiyn bildirip, jaqyndarynyń áreketine de suraq qoiǵan.
Onyń pikirinshe, qyzdyń óz ómirine qol suǵýyna «tittei» jaǵdai sebep bolsa, bul onyń psihologiialyq jaǵdaiyna qatysty másele bolýy múmkin.
Ásem Ámireeva marqumnyń anasyna da birqatar saýal joldady. Ol qyzyn 17 jasynda ne sebepti turmysqa bergenin, keiin qiyndyq týyndaǵanda nege alyp ketpegenin surady. Sondai-aq Madinanyń qurbysy jaǵdaidy bilgen bolsa, nege erterek dabyl qaqpaǵanyn aitty.
Budan bólek, mektep psihology qazirgi kelinderge qatysty pikirin de bildirip, «qazir kelinder janyn qinap jumys istemeidi, bári daiyn» degen mazmunda sóz aitty.
Al Andas batyr aýylynyń turǵyndary áleýmettik jelide oqiǵanyń mán-jaiyn tolyq bilmei turyp túrli pikir jazyp jatqandarǵa narazy. Olardyń aitýynsha, istiń aq-qarasy anyqtalmai turyp marqumnyń jaqyndaryn kinálaý nemese qandai da bir qorytyndy jasaý durys emes.
