Shahtinskide alkogolge mas 33 jastaǵy er adam «gaz ballonyn jaryp jiberemin» dep turǵyndardy qorqytqan. Qaýiptiń aldyn alý úshin politseiler bir kireberistegi 35 adamdy evakýatsiialady, dep habarlaidy ult.kz.
Oqiǵa 2 qyrkúiekte Karl Marks kóshesindegi úilerdiń birinde bolǵan. Politsiiaǵa páterdegi shýǵa qatysty habarlama túsken.
Oqiǵa ornyna barǵan tártip saqshylary er adamnyń turǵyndardy gaz ballonyn jaryp jiberemin dep qorqytyp otyrǵanyn anyqtady. Qaýipsizdik sharalary úshin politseiler kireberisti bosatyp, 35 turǵyndy qaýipsiz jerge shyǵardy.
Politsiia qyzmetkerleri er adammen kelissóz júrgizgennen keiin ol páterdiń esigin ashqan. Tekserý kezinde onyń alkogoldik masań kúide bolǵany anyqtaldy. Páterden gazdyń iisi sezilmegen.
Er adam politsiia bólimine jetkizilip, oǵan qatysty ákimshilik is qozǵaldy. Sotqa deiin ol ýaqytsha ustaý kamerasyna qamaldy.
Jinalǵan materialdar sotqa joldanady. Er adamnyń qandai jaýapkershilikke tartylatynyn sot sheshedi.
