شاحتينسكٸدە الكوگولگە ماس 33 جاستاعى ەر ادام «گاز باللونىن جارىپ جٸبەرەمٸن» دەپ تۇرعىنداردى قورقىتقان. قاۋٸپتٸڭ الدىن الۋ ٷشٸن پوليتسەيلەر بٸر كٸرەبەرٸستەگٸ 35 ادامدى ەۆاكۋاتسييالادى, دەپ حابارلايدى ult.kz.
وقيعا 2 قىركٷيەكتە كارل ماركس كٶشەسٸندەگٸ ٷيلەردٸڭ بٸرٸندە بولعان. پوليتسيياعا پەتەردەگٸ شۋعا قاتىستى حابارلاما تٷسكەن.
وقيعا ورنىنا بارعان تەرتٸپ ساقشىلارى ەر ادامنىڭ تۇرعىنداردى گاز باللونىن جارىپ جٸبەرەمٸن دەپ قورقىتىپ وتىرعانىن انىقتادى. قاۋٸپسٸزدٸك شارالارى ٷشٸن پوليتسەيلەر كٸرەبەرٸستٸ بوساتىپ, 35 تۇرعىندى قاۋٸپسٸز جەرگە شىعاردى.
پوليتسييا قىزمەتكەرلەرٸ ەر اداممەن كەلٸسسٶز جٷرگٸزگەننەن كەيٸن ول پەتەردٸڭ ەسٸگٸن اشقان. تەكسەرۋ كەزٸندە ونىڭ الكوگولدٸك ماساڭ كٷيدە بولعانى انىقتالدى. پەتەردەن گازدىڭ يٸسٸ سەزٸلمەگەن.
ەر ادام پوليتسييا بٶلٸمٸنە جەتكٸزٸلٸپ, وعان قاتىستى ەكٸمشٸلٸك ٸس قوزعالدى. سوتقا دەيٸن ول ۋاقىتشا ۇستاۋ كامەراسىنا قامالدى.
جينالعان ماتەريالدار سوتقا جولدانادى. ەر ادامنىڭ قانداي جاۋاپكەرشٸلٸككە تارتىلاتىنىن سوت شەشەدٸ.
