Zańsyz ainalymnan 24 mln teńgeniń geroini alyndy. Bul týraly QR IIM Esirtki qylmysyna qarsy is-qimyl departamentiniń basqarma bastyǵy Berikhan Nurǵaliev aitty, dep habarlaidy "Ult aqparat".
«Aqmola oblysynda geroin jetkizý arnasy joiyldy. Tselinograd aýdanynyń turǵyny men esirtki satqany úshin buǵan deiin sottalǵan elorda turǵyny qylmys ústinde ustaldy. Kúdikti áieldiń jeke zattaryn tintý barysynda satýǵa arnalǵan 595 gramm geroin tárkilendi. Al úiin tintý barysynda taǵy da 845 gramm geroin tabyldy. Tárkilengen esirtkiniń jalpy salmaǵy 1 keli 440 gramdy quraidy. Zańsyz ainalymǵa shamamen 24 mln teńgeniń esirtkisi jiberilgen joq», - dedi ol IIM baspasóz qyzmeti alańynda ótken brifing barysynda.
Onyń dereginshe, geroinniń iri partiiasy ózge de óńirlerde tárkilengen.
«Atap aitqanda, Jambyl oblysynda 600 gramm, Qostanai oblysynda Tobyl qalasynyń turǵynynan 200 gramm esirtki tárkilendi. Esterińizge sala keteiik, bul esirtkiniń 1 gramynan bastap-aq asa iri kólemde dep sanalady», - dedi Berikhan Nurǵaliev.
