زاڭسىز اينالىمنان 24 ملن تەڭگەنٸڭ گەروينٸ الىندى. بۇل تۋرالى قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باسقارما باستىعى بەرٸكحان نۇرعاليەۆ ايتتى, دەپ حابارلايدى "ۇلت اقپارات".
«اقمولا وبلىسىندا گەروين جەتكٸزۋ ارناسى جويىلدى. تسەلينوگراد اۋدانىنىڭ تۇرعىنى مەن ەسٸرتكٸ ساتقانى ٷشٸن بۇعان دەيٸن سوتتالعان ەلوردا تۇرعىنى قىلمىس ٷستٸندە ۇستالدى. كٷدٸكتٸ ەيەلدٸڭ جەكە زاتتارىن تٸنتۋ بارىسىندا ساتۋعا ارنالعان 595 گرامم گەروين تەركٸلەندٸ. ال ٷيٸن تٸنتۋ بارىسىندا تاعى دا 845 گرامم گەروين تابىلدى. تەركٸلەنگەن ەسٸرتكٸنٸڭ جالپى سالماعى 1 كەلٸ 440 گرامدى قۇرايدى. زاڭسىز اينالىمعا شامامەن 24 ملن تەڭگەنٸڭ ەسٸرتكٸسٸ جٸبەرٸلگەن جوق», - دەدٸ ول ٸٸم باسپاسٶز قىزمەتٸ الاڭىندا ٶتكەن بريفينگ بارىسىندا.
ونىڭ دەرەگٸنشە, گەرويننٸڭ ٸرٸ پارتيياسى ٶزگە دە ٶڭٸرلەردە تەركٸلەنگەن.
«اتاپ ايتقاندا, جامبىل وبلىسىندا 600 گرامم, قوستاناي وبلىسىندا توبىل قالاسىنىڭ تۇرعىنىنان 200 گرامم ەسٸرتكٸ تەركٸلەندٸ. ەستەرٸڭٸزگە سالا كەتەيٸك, بۇل ەسٸرتكٸنٸڭ 1 گرامىنان باستاپ-اق اسا ٸرٸ كٶلەمدە دەپ سانالادى», - دەدٸ بەرٸكحان نۇرعاليەۆ.
