Ishki ister ministri Erlan Turǵymbaev ýchaskelik inspektorlardyń mártebesin kóterý týraly Prezident tapsyrmasy qalai oryndalyp jatqanyn aityp berdi, dep habarlaidy QazAqparat.
«Biz ýchaskelik inspektorlardyń mártebesin zańnamalyq turǵyda kóterip kelemiz. Prezident óz sózinde «qylmystyń aldyn alatyn negizgi figýra - ýchaskelik inspektor» dep atap ótken bolatyn. Ol jergilikti halyqtyń problemalaryn sheship, qylmystardyń jolyn kesip, azamattardyń qaýipsiz bolýyn qamtamasyz etýi kerek. Biz ýchaskelik inspektorlardyń quzyretin arttyramyz. Olarǵa zańnamalyq turǵyda ózdigimen tyiym salý, tártip buzǵan azamattarǵa shekteý qoiý quzyretteri beriledi. Máselen ýchaskelik inspektor janjal shyǵarǵan otbasy múshesin úiden shyǵaryp jibere alady. Ýchaskelik inspektor sheshim qabyldai alatyndai baptardyń sany arttyrý kózdelgen», - dedi Erlan Turǵymbaev Memleket basshysynyń Qazaqstan halqyna joldaýynda aitylǵan tapsyrmalaryn iske asyrý barysy týraly ótken baspasóz máslihatynda.
Ministrdiń aitýynsha ishki rezervtiń, iaǵni shtatty qaita bólý esebinen eldegi ýchaskelik inspektorlardyń sanyn qalypty normaǵa deiin jetkizý josparlanǵan.
«Odan bólek ýchaskelik inspektor laýazymy merzimin 5 jylǵa deiin bekitý kózdelgen. Bul óte mańyzdy. Sonymen qatar inspektorlarmen birge ákimdiktermen birge jańa ýchaskelik beketterdi salý (onyń ishinde turǵyn úilermen qosylǵan) kózdelip otyr», - dedi ol.
