ٸشكٸ ٸستەر مينيسترٸ ەرلان تۇرعىمباەۆ ۋچاسكەلٸك ينسپەكتورلاردىڭ مەرتەبەسٸن كٶتەرۋ تۋرالى پرەزيدەنت تاپسىرماسى قالاي ورىندالىپ جاتقانىن ايتىپ بەردٸ, دەپ حابارلايدى قازاقپارات.
«بٸز ۋچاسكەلٸك ينسپەكتورلاردىڭ مەرتەبەسٸن زاڭنامالىق تۇرعىدا كٶتەرٸپ كەلەمٸز. پرەزيدەنت ٶز سٶزٸندە «قىلمىستىڭ الدىن الاتىن نەگٸزگٸ فيگۋرا - ۋچاسكەلٸك ينسپەكتور» دەپ اتاپ ٶتكەن بولاتىن. ول جەرگٸلٸكتٸ حالىقتىڭ پروبلەمالارىن شەشٸپ, قىلمىستاردىڭ جولىن كەسٸپ, ازاماتتاردىڭ قاۋٸپسٸز بولۋىن قامتاماسىز ەتۋٸ كەرەك. بٸز ۋچاسكەلٸك ينسپەكتورلاردىڭ قۇزىرەتٸن ارتتىرامىز. ولارعا زاڭنامالىق تۇرعىدا ٶزدٸگٸمەن تىيىم سالۋ, تەرتٸپ بۇزعان ازاماتتارعا شەكتەۋ قويۋ قۇزىرەتتەرٸ بەرٸلەدٸ. مەسەلەن ۋچاسكەلٸك ينسپەكتور جانجال شىعارعان وتباسى مٷشەسٸن ٷيدەن شىعارىپ جٸبەرە الادى. ۋچاسكەلٸك ينسپەكتور شەشٸم قابىلداي الاتىنداي باپتاردىڭ سانى ارتتىرۋ كٶزدەلگەن», - دەدٸ ەرلان تۇرعىمباەۆ مەملەكەت باسشىسىنىڭ قازاقستان حالقىنا جولداۋىندا ايتىلعان تاپسىرمالارىن ٸسكە اسىرۋ بارىسى تۋرالى ٶتكەن باسپاسٶز مەسليحاتىندا.
مينيستردٸڭ ايتۋىنشا ٸشكٸ رەزەرۆتٸڭ, ياعني شتاتتى قايتا بٶلۋ ەسەبٸنەن ەلدەگٸ ۋچاسكەلٸك ينسپەكتورلاردىڭ سانىن قالىپتى نورماعا دەيٸن جەتكٸزۋ جوسپارلانعان.
«ودان بٶلەك ۋچاسكەلٸك ينسپەكتور لاۋازىمى مەرزٸمٸن 5 جىلعا دەيٸن بەكٸتۋ كٶزدەلگەن. بۇل ٶتە ماڭىزدى. سونىمەن قاتار ينسپەكتورلارمەن بٸرگە ەكٸمدٸكتەرمەن بٸرگە جاڭا ۋچاسكەلٸك بەكەتتەردٸ سالۋ (ونىڭ ٸشٸندە تۇرعىن ٷيلەرمەن قوسىلعان) كٶزدەلٸپ وتىر», - دەدٸ ول.
