Akter Rústem Janyamanov pen aktrisa Janargúl Janyamanovanyń úlken uly qaitys bolǵan edi. Janargúl Janyamanova uly týraly jazba jariialap eldi jylatty, dep habarlaidy ult.kz.
Marqumnyń anasy áleýmettik jelidegi paraqshasynda júrek aýyrtar jazba jariialap, ulyn saǵynyshpen eske aldy. Onyń aitýynsha, olar 12 jyl boiy meiirimdi, aqyldy, talantty ári imandy balanyń ata-anasy bolǵanyna Allaǵa shúkirshilik etedi.
«Máńgilik mahabbatymyz! Máńgilik saǵynyshymyz! 12 jyl óte meiirimdi, aqyldy, sulý, talantty, dana tulǵanyń ata-anasy bolǵanymyzǵa Allaǵa rahmet. Sen bizge ustaz boldyń, ustaz bolyp qalasyń. Kóp nárseni úirettiń, áli de úiretesiń. Sen bizge meiirimdiliktiń, shydamdylyqtyń, naǵyz musylmandylyqtyń úlgisin kórsettiń», – dep jazdy ol.
Sondai-aq anasy balasynyń emdelýine qatysty kókeiinde jaýapsyz qalǵan suraqtar bar ekenin de jasyrmady. Degenmen, bolǵan jaǵdaidyń bárin Jaratýshynyń qalaýymen bailanystyryp, bul synaqtyń da ózindik hikmeti bar ekenine senetinin jetkizdi.
«Emdeý barysyna qatysty kókeiimde jaýapsyz qalǵan suraqtar bar, biraq “Qudaisyz qýrai da synbaidy” demek bul synaqta Jaratýshynyń bir hikmeti bar. Balamyz ómir súrýin toqtatqan joq, máńgilik ómirge bizden buryn oraldy. Bizdiń qarym-qatynasymyz úzilgen joq, ata-ana retindegi mindetimiz de aiaqtalǵan joq. Ol qazir úide, kerisinshe biz qonaqtamyz», – dep jazdy ol.
Jeli qoldanýshylary pikirlerde otbasynyń qaiǵysyna ortaqtasyp, kóńil aityp, sabyr tiledi.
