اكتەر رٷستەم جانىامانوۆ پەن اكتريسا جانارگٷل جانىامانوۆانىڭ ٷلكەن ۇلى قايتىس بولعان ەدٸ. جانارگٷل جانىامانوۆا ۇلى تۋرالى جازبا جارييالاپ ەلدٸ جىلاتتى, دەپ حابارلايدى ult.kz.
مارقۇمنىڭ اناسى ەلەۋمەتتٸك جەلٸدەگٸ پاراقشاسىندا جٷرەك اۋىرتار جازبا جارييالاپ, ۇلىن ساعىنىشپەن ەسكە الدى. ونىڭ ايتۋىنشا, ولار 12 جىل بويى مەيٸرٸمدٸ, اقىلدى, تالانتتى ەرٸ يماندى بالانىڭ اتا-اناسى بولعانىنا اللاعا شٷكٸرشٸلٸك ەتەدٸ.
«مەڭگٸلٸك ماحابباتىمىز! مەڭگٸلٸك ساعىنىشىمىز! 12 جىل ٶتە مەيٸرٸمدٸ, اقىلدى, سۇلۋ, تالانتتى, دانا تۇلعانىڭ اتا-اناسى بولعانىمىزعا اللاعا راحمەت. سەن بٸزگە ۇستاز بولدىڭ, ۇستاز بولىپ قالاسىڭ. كٶپ نەرسەنٸ ٷيرەتتٸڭ, ەلٸ دە ٷيرەتەسٸڭ. سەن بٸزگە مەيٸرٸمدٸلٸكتٸڭ, شىدامدىلىقتىڭ, ناعىز مۇسىلماندىلىقتىڭ ٷلگٸسٸن كٶرسەتتٸڭ», – دەپ جازدى ول.
سونداي-اق اناسى بالاسىنىڭ ەمدەلۋٸنە قاتىستى كٶكەيٸندە جاۋاپسىز قالعان سۇراقتار بار ەكەنٸن دە جاسىرمادى. دەگەنمەن, بولعان جاعدايدىڭ بەرٸن جاراتۋشىنىڭ قالاۋىمەن بايلانىستىرىپ, بۇل سىناقتىڭ دا ٶزٸندٸك حيكمەتٸ بار ەكەنٸنە سەنەتٸنٸن جەتكٸزدٸ.
«ەمدەۋ بارىسىنا قاتىستى كٶكەيٸمدە جاۋاپسىز قالعان سۇراقتار بار, بٸراق “قۇدايسىز قۋراي دا سىنبايدى” دەمەك بۇل سىناقتا جاراتۋشىنىڭ بٸر حيكمەتٸ بار. بالامىز ٶمٸر سٷرۋٸن توقتاتقان جوق, مەڭگٸلٸك ٶمٸرگە بٸزدەن بۇرىن ورالدى. بٸزدٸڭ قارىم-قاتىناسىمىز ٷزٸلگەن جوق, اتا-انا رەتٸندەگٸ مٸندەتٸمٸز دە اياقتالعان جوق. ول قازٸر ٷيدە, كەرٸسٸنشە بٸز قوناقتامىز», – دەپ جازدى ول.
جەلٸ قولدانۋشىلارى پٸكٸرلەردە وتباسىنىڭ قايعىسىنا ورتاقتاسىپ, كٶڭٸل ايتىپ, سابىر تٸلەدٸ.
