Salyq organdary mobildi aýdarymdar arqyly kásipkerlik tabys jasyrýy múmkin degen kúdikke ilingen qazaqstandyqtarǵa habarlamalar jibere bastady. Bul týraly qarjy vitse-ministri Erjan Birjanov málimdedi, dep habarlaidy ult.kz.
Onyń aitýynsha, 1-toqsanǵa qatysty mobildi aýdarym derekteri sáýir aiynda salyq organdaryna túsken. Málimetter óńdelgennen keiin, mamyr aiynan bastap azamattarǵa eskertýler jiberile bastaǵan.
Monitoring úsh negizgi sanattaǵy tulǵalardy qamtidy:
Birinshiden, resmi túrde kásipker retinde tirkelmegen, biraq kásipkerlikke uqsas turaqty tabys alyp júrgen jeke tulǵalar.
Ekinshiden, ońailatylǵan salyq rejiminde jumys isteitin jeke kásipkerler. Olar tabystaryn jartyjyldyq eseptilik kezinde deklaratsiiaǵa engize alady.
Úshinshiden, jalpyǵa birdei salyq rejimindegi jeke kásipkerler. Olar jyldyq deklaratsiia tapsyrý barysynda bul kiristerdi kórsetýi tiis.
Vitse-ministrdiń aitýynsha, qazirgi kezeńde salyq organdary jazalaý emes, eskertý sipatyndaǵy servistik tásil qoldanýda.
«Biz bul tabystardy kórip otyrmyz, jaqyn arada deklaratsiia tapsyrý merzimi keledi. Sondyqtan ony deklaratsiiaǵa engizýdi suraimyz. Eger tirkelmegen jeke tulǵa bolsa, resmi tirkelýdi usynamyz», – dedi ol.
Qazirshe eshqandai aiyppul salynǵan joq, azamattarǵa qatelikterin túzetýge múmkindik berilip otyr.
Birinshi kezeńde habarlamalar negizinen jeke tulǵalar men beirezidentterge jiberilgen. Al jeke kásipkerlerge eskertýler salyq tóleýshiniń kabineti arqyly joldanady.
Sonymen qatar, óz-ózine jasalǵan aýdarymdar baqylaýǵa alynbaityny aityldy. Biraq kásipkerler kásiptik qyzmet úshin jeke bank shotyn paidalanýy tiis.
Salyq organdary mobildi aýdarymdardy myna úsh negizgi belgi boiynsha tekseredi:
3 ai ishinde 100 jáne odan da kóp adamnan túsken aýdarymdar;
jalpy somasy 1 020 000 teńgeden assa;
kásipkerlik qyzmetke uqsas turaqty túsimder baiqalsa.
