سالىق ورگاندارى موبيلدٸ اۋدارىمدار ارقىلى كەسٸپكەرلٸك تابىس جاسىرۋى مٷمكٸن دەگەن كٷدٸككە ٸلٸنگەن قازاقستاندىقتارعا حابارلامالار جٸبەرە باستادى. بۇل تۋرالى قارجى ۆيتسە-مينيسترٸ ەرجان بٸرجانوۆ مەلٸمدەدٸ, دەپ حابارلايدى ult.kz.
ونىڭ ايتۋىنشا, 1-توقسانعا قاتىستى موبيلدٸ اۋدارىم دەرەكتەرٸ سەۋٸر ايىندا سالىق ورگاندارىنا تٷسكەن. مەلٸمەتتەر ٶڭدەلگەننەن كەيٸن, مامىر ايىنان باستاپ ازاماتتارعا ەسكەرتۋلەر جٸبەرٸلە باستاعان.
مونيتورينگ ٷش نەگٸزگٸ ساناتتاعى تۇلعالاردى قامتيدى:
بٸرٸنشٸدەن, رەسمي تٷردە كەسٸپكەر رەتٸندە تٸركەلمەگەن, بٸراق كەسٸپكەرلٸككە ۇقساس تۇراقتى تابىس الىپ جٷرگەن جەكە تۇلعالار.
ەكٸنشٸدەن, وڭايلاتىلعان سالىق رەجيمٸندە جۇمىس ٸستەيتٸن جەكە كەسٸپكەرلەر. ولار تابىستارىن جارتىجىلدىق ەسەپتٸلٸك كەزٸندە دەكلاراتسيياعا ەنگٸزە الادى.
ٷشٸنشٸدەن, جالپىعا بٸردەي سالىق رەجيمٸندەگٸ جەكە كەسٸپكەرلەر. ولار جىلدىق دەكلاراتسييا تاپسىرۋ بارىسىندا بۇل كٸرٸستەردٸ كٶرسەتۋٸ تيٸس.
ۆيتسە-مينيستردٸڭ ايتۋىنشا, قازٸرگٸ كەزەڭدە سالىق ورگاندارى جازالاۋ ەمەس, ەسكەرتۋ سيپاتىنداعى سەرۆيستٸك تەسٸل قولدانۋدا.
«بٸز بۇل تابىستاردى كٶرٸپ وتىرمىز, جاقىن ارادا دەكلاراتسييا تاپسىرۋ مەرزٸمٸ كەلەدٸ. سوندىقتان ونى دەكلاراتسيياعا ەنگٸزۋدٸ سۇرايمىز. ەگەر تٸركەلمەگەن جەكە تۇلعا بولسا, رەسمي تٸركەلۋدٸ ۇسىنامىز», – دەدٸ ول.
قازٸرشە ەشقانداي ايىپپۇل سالىنعان جوق, ازاماتتارعا قاتەلٸكتەرٸن تٷزەتۋگە مٷمكٸندٸك بەرٸلٸپ وتىر.
بٸرٸنشٸ كەزەڭدە حابارلامالار نەگٸزٸنەن جەكە تۇلعالار مەن بەيرەزيدەنتتەرگە جٸبەرٸلگەن. ال جەكە كەسٸپكەرلەرگە ەسكەرتۋلەر سالىق تٶلەۋشٸنٸڭ كابينەتٸ ارقىلى جولدانادى.
سونىمەن قاتار, ٶز-ٶزٸنە جاسالعان اۋدارىمدار باقىلاۋعا الىنبايتىنى ايتىلدى. بٸراق كەسٸپكەرلەر كەسٸپتٸك قىزمەت ٷشٸن جەكە بانك شوتىن پايدالانۋى تيٸس.
سالىق ورگاندارى موبيلدٸ اۋدارىمداردى مىنا ٷش نەگٸزگٸ بەلگٸ بويىنشا تەكسەرەدٸ:
3 اي ٸشٸندە 100 جەنە ودان دا كٶپ ادامنان تٷسكەن اۋدارىمدار;
جالپى سوماسى 1 020 000 تەڭگەدەن اسسا;
كەسٸپكەرلٸك قىزمەتكە ۇقساس تۇراقتى تٷسٸمدەر بايقالسا.
