Astanada «Jańa adamdar» men «Dala qyrandary» qozǵalystarynyń birlesýimen jas kóshbasshylar men sarapshylardy daiarlaýǵa baǵyttalǵan «Adal azamat» jańa bilim berý baǵdarlamasy tanystyryldy, dep habarlaidy Ult.kz Kazinform-ǵa silteme jasap.
Uiymdastyrýshylar qatysýshylarǵa óz tájiribelerin bólisýdi josparlap otyr: tiimdi komanda qurýdan bastap, strategiialar ázirleýge, BAQ-pen jáne qoǵamdyq uiymdarmen jumys isteýge deiin úiretedi.
«Buny qalai qurý kerek, komandalardy qalai jinaý kerek, strategiia qalai jazylady, BAQ-pen, jýrnalistermen, qoǵam ókilderimen qalai jumys isteý kerek degen baǵytta bizde úlken tájiribe men túsinik bar. Osy tájiribemizdiń barlyǵyn biz qazir «Dala qyrandarymen» birlesip, «Adal azamat» bilim berý baǵdarlamasyna jinaqtadyq», — dedi «Jańa adamdar» qozǵalysynyń baspasóz hatshysy Alpamys Ábilov.
Joba avtorlarynyń aitýynsha, baǵdarlamanyń negizine «Is ózimde» qaǵidaty salynǵan. Bul bireýden kiná izdemei, týyndaǵan máselelerdiń túpki sebepterin anyqtaýǵa jáne naqty praktikalyq sheshimder qabyldaýǵa baǵyttalǵan.
