Zań normalaryn ázirleý barysynda bireýlerdiń jeke múddesine bola lobbi jasaýdy túp tamyrymen joiý qajet. Bul týraly 7-shi shaqyrylǵan Parlamenttiń 1-shi sessiiasyn ashqan QR Prezidenti Qasym-Jomart Toqaev aitty, dep habarlaidy "Ult aqparat".
«Zań normalaryn ázirleý barysynda bireýlerdiń jeke múddesine bola lobbi jasaýdy túp tamyrymen joiý qajet. Sizder eń aldymen sailaýshylardyń suranysyn basshylyqqa alyp, táýekel men qaterdiń bárin de saralaýǵa tiissizder. Depýtattar árdaiym qoǵam tynysyn ańǵaryp, tamyryn dóp basa bilgeni jón. Parlament el múddesi úshin aianbai qyzmet etetin qainaǵan jumys ortasy. Halqymyz bizden oń ózgeristerdi kútetindigin árdaiym este ustaǵan abzal», - dedi Memleket basshysy.
Sondyqtan QR Prezidenti depýtattardyń sheshim qabyldaý kezinde asqan jaýapkershilik tanytýlary qajettigin basa aitty.
«Barlyq josparymyz jemisti júzege asyrylýy úshin bir kisidei jumylyp, eńbek etýimiz kerek. Biz kez kelgen qiyndyqty jeńip, bilik belesterge birge shyǵamyz. Ádiletti ári órkendegen Qazaqstandy birge quramyz. Qasterli qundylyqtarymyzdy kózdiń qarashyǵyndai saqtap, kemel keleshekke birge qadam basamyz» - dedi Qasym-Jomart Toqaev.
